الرئيسية / مقالات / من خواطرى: المفروض يكون .. بقلم : منى حسن

من خواطرى: المفروض يكون .. بقلم : منى حسن

mona-haasanشهر رمضان خلص والعيد هَل ..  والحياه تبتدى تاخد مجراها, وسرعتها تضغط  ويتناسى البشر الوقت…

اوقات البنى ادم متعدده:  اوقات عباده, اوقات تعبد, اوقات روحانيه, اوقات مراجعه نفس, اوقات مع النفس, اوقات واجبات, اوقات ترفيهيه,اوقات عطاء و حب, اوقات عمليه وتعامل مع البشر, واوقات عمل, واوقات إلمام بالمعرفه والاخبار, واوقات لباقى الامور الدنياويه, ده غير اوقات ضايعه من الزحمه.

هى دى يوميه البنى ادام طوال حياته, اذا نظمها وتعامل بها مظبوط تبقى حياته منظومه سويه مع خالقه والنفس والخلق  ..

شهر رمضان جميل بجوه العطاء وروحانياته العاليه, وان مش محتاج شهر لتكثيف العباده والدعاء لانهم فرض وواجب,  وهما ضمن منظومه الحياه  وان فى اى لحظه ووقت ممكن تكون مقرب لربك بتعاملاتك..

وان ابتسامه فى وش الاخر المفروض يكون..

وسؤالك على اقرب الناس او مريض او من محتاج السؤال المفروض يكون..

حنيتك على المحتاج وودك لجارك ومن حولك وشارعك المفروض يكون…

مراعاه الناس والجار والمريض والعجوز من الدوشه العاليه فى الشارع و النواصى والبيت المقروض يكون..

مساعده كبار السن و من هم محتاجين مساعده فى الطريق او سوق او خلافهالمفروض يكون..

النظافه والنظام  والضمير والاحترام  والعطاء  سمات من المفروض ان يكون..

والمفروض يكون كتير مش فى شهر!  افعالك بعطاءك وتعاملاتك المستمره هى المفروض ان يكون.

ولان شهر العباده والصلاة والصوم دى فروض ولكن العطاء والسؤال والموده والتعاملات والافعال هى المكمله: ولكنها انسانيتك!!

للأسف الشديد بقت حساباتها مختلفه وبتضاءل, و متداخل فيها ثقافه مجتمع  واكيد منهم انسان من المفروض يكون, ومنهم بيعمل بيها وكإنه لازم يُكرم ويبجل, ومنهم بيعمل علشان يتعرف انه عمل, ومنهم بيعمل لانه واجب او بيعمله لسبب ما مع ان هو ده العادى و المفروض منه لنفسه مش محتاج لا تفكير ولا تقول اصلا ..

ميزانك انت نفسك فلازم تحاسبها وتصلحها وتراجع حساباتك لترضى  ..

ومن انا لأحكم  .. وأنى هائمه فى ملكه عابده اعبده بما ترضاه نفسى ولذا ما ارضاه لنفسى ارضاه و احبه لغيرى…

مصريه 2016

شاهد أيضاً

القاتل واحد وضحاياه كثيرون ! .. بقلم : عبدالرحمن مهابادي – محلل سياسي خبير في الشأن الايراني

إذا نظرنا إلى مشهد الشرق الأوسط والجرائم المرتكبة في هذه المنطقة من العالم ليس من ...