اليوم الجمعة 24 نوفمبر 2017 - 2:17 صباحًا
الرئيسية / مقالات / من خواطرى : يا واش يا واش .. بقلم : منى حسن

من خواطرى : يا واش يا واش .. بقلم : منى حسن

mona-haasan
ياواش يا يواش يا عالم يا بلاد.. ويا شريرين كفايه بقى شر واذى وقتل ودمار.
 مابقتش عارفه الاحق على الاحداث من جوه لبره ولا مين عمل ايه ولا كان مين سبب فى ايه.
 كله ورا بعضه، جوه بعضه، على بعضه مش مشكله فى الاخر نتيجتوا واحده.
داعش ولا متطرف ولا مريض نفسيا كلهم معتلين نفسيا و  دماغهم بايظه بلقب ارهاب وطبعا مع استعمال الدين لتشويهه.
فرنسا تفجيرات وناس وارواح تُقتل والفاعل معتل نفسيا بلقب ارهاب
مصر الطياره الروسيه وارواح تبخرت فى ثوانى بسبب معتل نفسيا بلقب ارهاب
محاولات لعمل فِتن وعمليات استفزازيه تبؤ بالفشل وذلك لحب الناس ببعض ولكنها مستمره من افراد معتله نفسيا بلقب اخوانى ارهاب
الطياره المصريه تختفى بكل نَفس جواها فى لمح البصر بسبب سواء من داخل الطياره او بصاروخ من التدريبات بفعل غدر معتل نفسيا..
امريكا وحوادثها والقتل البشع بفعل معتل نفسيا بلقب ارهاب
المانيا و قتل كمان اطفال ابرياء دى بقت مأساه بسبب معتل نفسيا
وكابول وباكستان والهند وبلجيكا افعال وافعال وفى غيرهم كمان وواضح ان لسه فى كمان.
وفى نظرى الميديا والسينما والسوشيال ميديا مساعده ولها دور.
بس كله كوم واللى حصل واللى بيحصل واللى حايحصل فى تركيا ده كوم تانى!
الجيش نزل الشارع  وسيطر على اماكن حيويه ولكن كان فى انقسام ، الامن والبوليس ومعاهم المخابرات كان ضد من الاول  والعالم كان مستنى …
ميتهايألى فى تركيا مع عنصر المفاجأه الشعب مش عارف كان يعمل ايه.. وغالبا ماكانوش فاهمين، قالوا لهم اقعدوا فى البيت, وقال
انزلوا الشارع،  قولوا عاوزين ايه.، جيشكوا بدء.. يالا بقه.. هوب  بخ  بح
هو ده ممكن يكون فيلم مشترك لاثبات وجود بلد … يا خوفي !
ده اقصر انقلاب فى العالم ……
يا ترى السياحه شغاله عادى!!  يا ترى البلاد التانيه حذرت شعوبها بعدم السفر هناك… يا ترى ويا ترى كتيره اوى وبتقلب عليا المواجع لما اشوف بيضغط على بلدى ازاى! وهما هما يحصلهم اكتر كتير وكأن لم يحدث شئ، وعندهم يبتدى عادى وبكره يوم جديد!!  زعلانه وبس خلاص
مصريه  2016

شاهد أيضاً

القاتل واحد وضحاياه كثيرون ! .. بقلم : عبدالرحمن مهابادي – محلل سياسي خبير في الشأن الايراني

إذا نظرنا إلى مشهد الشرق الأوسط والجرائم المرتكبة في هذه المنطقة من العالم ليس من ...