الرئيسية / مقالات / من خواطرى : حوار.. بقلم : منى حسن

من خواطرى : حوار.. بقلم : منى حسن

mona-haasan

حوار صادق بينى وبين  صديق وكاتب احترم رأيه عن عاميتى ناقص فلفها حبه.

م.  ازيك. قريت مقالتى!!

ح. طبعا قرأتها

م. ماقولتليش رايك عليها. متعوده

اعرف رايك

ح. والله مقالة متميزة لكاتبة صاحبة فكر متميز وتطرح افكارها بقوة واصرار وفى بساطه ولكن فى مضمون ثورى لكن يبدو فيه هدوء

م.  ثورى!!

ح. طبعا نقلة من الفصحى الى العامية , قمة التغيير للثقافة السائدة

م. اوك , اعتقد من حق مصريتنا ان نتمسك بكل مانستطيع لانها بتتلاشى

حتى لغتنا وحياتنا ولبسنا واكلنا واسلوب وطريقه تعاملنا.

ايوه انا تلات تربع عمرى عشته ترحاله بسافرى بره مصر لكن زعلانه عليها وانا منها,

فكتبت راى ومش عارفه حايساعد ولا لأ….  لان كسر التعود فى بلدنا زى الروتين متشبع بيه الشعب والمثقفين من الشعب. يعنى محتاجه معجزه للغيير   الحقيقه.

ح. لا امل فى استعادة مصر الا باستعادة مكانتها الثقافية لتكون منارة فكر باتساعه وعمقه وتنوعه وتفاعله

م. هيهات هيهات.

لما ثقافه المثقف الاول تكون بنظافته فى بيته ونفسه وشارعه ولسانه حاتبقى فى امل فى كتاباته وابداعه ورفع مستوى فكر بلده.

ناس كتيييير فى مواقع اعرفهم مافيهمش الصفات دى.  وهم لهم دور قوى فى بناء البلد. فى نظرى هم فشله وبيضيعوا وقت ومناصب وبس.

المثقف لازم يثقف نفسه واسلوبه وحياته الاول ليرتقى بفكره ليقدمه تقديم وقدوه للمتلقى. على فكره هى مش شهادات لازم خبرات.

ح. نشر ثقافة الجمال والفن والذوق ليس فى المتاحف وصالات العرض بل فى الشوارع والحارات والابنية والباصات والسيارات الوان الربيع ورومانسية الافلام واطلاله مسابقات الجمال صورة وصوت وعمل وعلم ،،، لوحات فنية وتماثيل ولوحات كبيرة جدارية ورسوم على الاسفلت وحدائق وشواطئ وشوارع نظيفة جميلة ،،،

م. لا فى الناس الاول… وبعدين اللى ذكرته

لو تفتكر زمان لما كان الناس بيروحوا لام كلثوم كانوا بيلبسوا رسمى وحتى عادى فى الشارع. لو رحت باريس الناس لحد دلوقتى فى رقى فى مظهرهم وحوارهم او اى بلد فى العالم.  هنا همجيه والالفاظ وقذاره ازاى يكون فيه ارتقاء وثقافه. تبقى مخوخه

هو اعمل قصيده حلوه ويسمعها العشوائيات مثلاً.

مش معترضه ان يكون متذوق ولا بأءئلل من آدميته ولا اقصد اهانه قصدى لازم يكون مستوى الناس احسن من كده.  احنا بقينا فى مستوى منحدر جدا للاسف وانا حزينه بجد.

ح. هذه اخلاقيات دخيلة على المصريين لانهم انسحقوا تحت الحاجة الى المال والذى ارتبط بدول الخليج وخاصة السعودية والتى صرفت كثيرا كثيرا فى سبيل تسيس مصر لتكون الحديقة الخلفية للسعودية مظهرا وفكرا وبهذا المسخ تشوهت شخصية المصريين

هذه اخلاقيات دخيلة على المصريين لانهم انسحقوا تحت الحاجة الى المال والذى ارتبط بدول الخليج وخاصة السعودية والتى صرفت كثيرا كثيرا فى سبيل تسيس مصر لتكون الحديقة الخلفية للسعودية مظهرا وفكرا وبهذا المسخ تشوهت شخصية المصريين

م. علشان كده لازم ترجع مصريتنا تانى ولغتنا تسود وافلامنا وتراثنا وعادتنا واصولنا وتقاليدنا.

على فكره انا نقطه نونو فى بحر وماعرفش اذا كلامى بيوصل ولا لأ. بس بحاول ودايما حاحاول بإى مجهود ان كان , ولكن اكيد حاحتاج مساعدات من مقتنعى باهدافى وفكرى.

ح.  جميل ،،، كل ماهو خير فهو جميل و دوره مؤثر طبعا

م. اشكرك.

ح. انا اللى أشكر حضرتك وتحياتي وتقديرى وتمنياتى بالتوفيق.

مصريه

2016

شاهد أيضاً

القاتل واحد وضحاياه كثيرون ! .. بقلم : عبدالرحمن مهابادي – محلل سياسي خبير في الشأن الايراني

إذا نظرنا إلى مشهد الشرق الأوسط والجرائم المرتكبة في هذه المنطقة من العالم ليس من ...