اليوم الخميس 23 نوفمبر 2017 - 9:35 صباحًا
الرئيسية / مقالات / من خواطرى: الصديق الصدوق .. ايه هى الصداقه !!.. بقلم: منى حسن

من خواطرى: الصديق الصدوق .. ايه هى الصداقه !!.. بقلم: منى حسن

mona-haasan

تفتكر انها لمه وخروجه حلوه ولا قاعده ، ولا زعلان من شغلك ولا بيتك ورحت بعبعت بكلمتين, ولا سمعت لك كام كلمه مجامله وعشت عليهم انك اقرب له من نفسه… ولا عمل معاك واجب فبقى صديق وغيره كتير من احداث فى حياه البنى آدم,  وكتير مابيعرفش يفرق ما بين الواجب والاصول فبيتحرج ويدرجها تحت بند صديق…

على فكره هى ولاه حاجه من دول واكتر من كده برضه بيحصل .. بس مش هى دى
الصداقه  كلمه جايه من صدق وهى صدق المعامله هى عطاء هى امانه هى وفاء هى مسؤليه وتقدير هى حق الصديق منك له اكتر من منه ليك او من هو فى منزله صديق و كتير اعتباره فى منزله الاخ اوالاخت,  يعنى هو اقوى من صله الدم..
مقياس الصداقه بالفعل والموقف مش شرط اشوفك كل يوم, لان بحكم الحياه ممكن نتباعد, مش شرط اتواصل طول النهار ولا اليوم,  ولكن وقت الاحتياج اومساعده او الشده او الفرح الصديق يكون بدون سؤال ولا طلب.

عارف صديقى يعنى ايه:  يعنى ازيك من غير شرح,  يعنى انبسط لك من غير حقد,  يعنى هو هنا من غير ماطلب,  يعنى اشجعك من غير غيره,  يعنى ابارك حالك من غير حسد,  يعنى انصحك  بعشم,  يعنى الحقك وافوائك على النور,  يعنى اعيش حياتك وتعيش حياتى من غيرمجامله و قلق بحب ونقاء..

وكتير يقولوا الصداقه انواع ودرجات ومعادن,  ورائى الصداقه مبدائها واحده لصديق والباقى مسميات ممكن تتدرج كل ده جواها..

الصديق انك مش حاتتحرج منه وهو حايفهم من غير شرح,  ولا حاتحمل هم معاه لانك صفحه بيضه وشفاف معاه .

ايوه موجود ده ولكن بقى قليل صديق السنين , صحيح مع الزمن والسنين فى ناس بتقع من حياتك وناس بتتشطب وناس بتصدمك من محسوبى الصداقه و العشره  ولكن دى من سنه الحياه ولان هم دول ماكانوا عليه وظهروا مع الوقت وبحكم السن والتجارب,  الحكم بيكون اوضح,  و فى ناس سويه وهم دول الاصحاب المكملين فى حياتك.

الصديق: عامل الوقت والتباعد مايأثرش عليه ومهما مر عليه الزمن هو زى ما هو فى صحوبيته يمكن الخبره والسن بيتزود بيها ولكن شخصه واحساسه مابيتغيرش والترابط عوامل الزمن تثقله.

الصديق هو الامان والسكينه هو راحه بالك وضهرك هو مرايتك و ضحكتك من غير كلام هو حب وعطاء من غير تفكير ولا مقابل هو وبس..

لكن تفتكر انها كده و خلاص لا هى ان ما دوسش عليه, هى ماتعاملش بانه امر مسلم بيه لانه مع الوقت حايتباعد وانت اللى خسران…

الصداقه مش واحد دمه خفيف فالقاعده معاه فرحه,  او واحد لاذع فاقصر شره,  ولا معارفه كتير فالازمه,  ولا مريش ابقى ديله,  ولا مهم وال من يومياته,  ولا دخيل للمعرفه والكلامه,   للأسف دى مصالح و نفوس مريضه محتاجه تتقيم,  والبشرمحتاج  تقييم نفسه ويعيد حساباته لفهم عيشته و من حوله.

شايفه المفهوم تاية و حساباته مختلفه, وقالولى بلاش اليوتوبيا ولا العيشه الورديه وطريقه منى دى,  وان البشر غير,  ورافضه لان اذا فيه طريقه منى يبقى فى كتير زيها وده امل فى حد ذاته..

العلاقات فى الحياه زى الحب, الصداقه, الابوه و العيله, او حتى معاملة اى شئ حى حتى لو الحيوان كلهم زى الورده لازم لها نقطه مايه بمعنى حب عطاء اهتمام كل يوم علشان تعيش اما موتها فده  دورتها فى الحياه ..

فى كمان  معارف, زميل, جار, قريب وغيره من ناس تانيه كلهم ممكن يؤموا بادور مصغره فى حياتك بمواقف لها مردود بالجميل والاحساس بالعرفان وهى دى الحياه وبطريقتنا بنقول الناس لبعضها ولكن مش فى درجه صديق ..

طبعا فى صاحب وهو يا بيكون فى نفس درجه الصديق او اقل شويه ومنهم صاحب السنين ولكن العلاقه بتكون ناقص عيرها حبه, ومايمنعش ان تكون احاسها ومصدقيتها متواجد ولكن فى درجات.

كل يوم فى الحياه ممكن تقابل صاحب وتبتدى معاه حياه,  وكل يوم بتقوم بواجب لان ده سنه الحياه,  وكل يوم ليك اصلا حياه…..

الحياه مليانه بمفاجأت ونفوس البشر كمان تتأثر واحيانا تتغير, ومافيش حال بيفضل على حال…

الصديق له حياته ايضا ولكن هو الغير متأثر بالعوامل لصداقته,  وبالتالى هو مرايه سنينك والامان و الحب والامل والدفعه المستتره المكمله لمسيره حياتك.. تَشَكُّرَاتٌ لمن هم الصدوق

مصريه

2016

 

شاهد أيضاً

من خواطرى : كلام شباب .. بقلم: منى حسن

كنت قاعدة مع مجموعة شباب يعني فى حوالى تلاتينات .. عشرينات … كان واحد منهم, ...