اليوم الخميس 23 نوفمبر 2017 - 7:42 صباحًا
الرئيسية / مقالات / من خواطرى: من هنا ورايح .. بقلم : منى حسن

من خواطرى: من هنا ورايح .. بقلم : منى حسن

mona-haasan

كلمات مختصرة لكن لها وقع نفسى قوى ومصطلح مُستعمل فى كل الأحوال ولكل الاوقات وكل الاعمار متماشى مع مواقف كثيره بظروف مختلفه.

يعنى ايه من هنا ورايح ….. هنا داله على التوقيت او المكان او الحاله ورايح معناها الذهاب الى مكان أو ضايع منه شئ.

العجيب فى الكلمه ان وجودها فى هذة الجمله تعنى جمع هذين المعنيين, بمعنى اللى رايح ما سيكون عليه  والضايع ما هو او كان عليه.

كلام ملعبِك تفسيره اسهل بالحكاوى والامثله الغير معقده…. ممكن نبتدى بحكايه بواب العماره اللى جنبنا كل يوم الساعه 6 الصبح تسمع صوت الراديو عالى جداً واصوات جرادل الماء لغسيل العربيات ونفرين تلاته معديين من النظافه للشارع قرروا يسلّوا البواب والكلاّمه تشتغل بصوت أعلى من الراديو دة غير اتوبيسات المدرسه والكلاكسات مع شويه خلفيات إضافيه لزوم الاستفزاز, علما اننا نسكن فى شارع هادى جدا وعلى قدر مش بطال من النظافه والخضرة…..

حضرتنا من الوطاويط… ارسم,  اقراء او اكتب بالليل احيانا بعد الفجر انام, واحنا على دا الحال المُستفز من سنين وسنين, مع السن الخلق بيضيق الى ان جاء اليوم الموعود لإستعمال الكلمات المُختصره  قويه المفعول مع راديو البواب والجرادل والدردشه.. الكلاكسات كانت اسهل لان بديلها الموبايل ولكن البواب دة كان موّال كبير ولكن اخره جاب نتيجه !

لمعارفنا جاره غاويه قطط طول النهار تبسبس لهم تضع لهم  اكل و لقطط الشارع ده غير قططتها, والقطط عموماً لها رعايه خاصه  غير موضوع  تغير الرمل وهى ايضا مزعجه فى موسم التزاوج واصواتها مفزعه سواء صبح او ليل والمفروض من يربى قطه او محبى القطط يدرك ان ممكن انه يضر جاره خصوصا ان ولدتة القطه عددها كتير.

المهم ان يوم ما احد الجيران كان بيجوز حد من الاولاد وكان نظافه العماره من الأساسيات من حيث المبدأ والرائحه وكل شىء كان على سنجة عشره,  لكن الجاره ميعاد أكل القطط  جاء فى توقيت وصول الضيوف وقد كانت… نودىَ على البواب واُشرِك باقى الجيران والكلام لكى يا جاره ومن هنا ورايح مافيش قطط على السلم ولا اكل وخلافه وبعد ما كانت فرحه قلبت بحرقه دم بدون قصد لان الجاره  مافكرتش غير فى قططها وبس.

صديقه لى جاءت تشتكى لى من أفعال صاحب ابنها ونصحتَها بالتوجيه الغير مباشر والمباشر احياناً, هى ابنها متربى على الاصول وصاحبه من المدرسه واهله مستوى ولكن فى فرق تربيه, من الاشياء المزعجه ان الولد بيفتح الثلاجه بدون اذن ويوقف امامها مفتوحه الى ان يقرر هو عاوز ايه,  او لما يدخل البيت بعد اللعب بجزمهم, وغيره من افعال كلها حاجات بالنسبه لناس كتير هايفه ولكن للأم او لست البيت كبيره ومجهود. الى ان جاء اليوم ودخل الولدين برمل وطين وانفجرت الصديقه بالكلمات المختصره وقد كانت !

حكايه لواحده ملهاش فى الموضه ولا النيو لوك كل يوم يمر وهى فى حياتها عاديه جوزها عيالها شغلها العادى , فى يوم قابلت صديقه كانت من المقرّبين زمان لم تراها من زمن، فى الاول ماعرفتهاش لانها مغيره من شكلها, والعادى محاوله ابداء راى لتغير الصاحبه الطبعييه اللى على سجيتها, و لفت نَظرها بما يدور فى عالم مالاهاش فيه, والمهم مع السلامات والعتابات وان مانتحججش بالوقت ونجنب افكارنا, و فى اخر المقابله كانت الجمله المختصره من هنا ورايح يجب ان نكون على اتصال ونتواصل مع الاصحاب القُدامى.

حكايه تانيه لراجل متغندر فى الخمسينات, استعراضات خارجيه وتصرفات شبابيه مُتعايش بالطول والعرض ومبدئه الواحد يعيش مرة واحده, متناسى ان احساسه الشبابى مش متناسب مع جسمه, الوعاء المستخدم بعدد سنيين عمره يُستهلك كل يوم, يومه ملىء بالحركه والنشاط وفى البيت التعب والأوجاع الى ان تحولت الى آهات وكان لابد من زياره الطبيب المرفوض زيارته دائما وسأل الدكتور فى ايه وليه ومن إمتى وكان الرد المختصر من هنا ورايح .

مصريه

2012

شاهد أيضاً

من خواطرى : كلام شباب .. بقلم: منى حسن

كنت قاعدة مع مجموعة شباب يعني فى حوالى تلاتينات .. عشرينات … كان واحد منهم, ...