اليوم الأربعاء 22 نوفمبر 2017 - 5:49 صباحًا
الرئيسية / مقالات / من خواطرى : مصريه .. بقلم: منى حسن

من خواطرى : مصريه .. بقلم: منى حسن

mona-haasan

واحد بزعبوط تختوخ مضغوط داير يلف زقايق  حواري والميادين..

بيضرب الكفوف ..حزين مكفوف.. بعلو صوته بينادى ويقول

مصر يا بلد تايهه ….  ولادك ليه نايمه

فوقوا خافوا عليها …. لفوا عليها الدنيا

من قالوا انها بخير خدعه ..  دي جعانه تعبانه وخايفه

بالحيله أخدوها سرقه … سوء النيه والغدر مبنيه

سنين كانت متخبيه .. طًلعها ناس معميه

حقد ولا من غير نيه …لا وقت طول حَديِت ولا سَردُه

مصر رايحه ولا جايه … لاقوا قلوبكوا اللي تايهه

حَشوها كبر جمجمه … وتكنولوجيا مسممه

ليه نسينا نفسنا .. إحنا قلب وضحكه منوره

مصر فين مننا … داروها وبيعمونا عنها

مش كتير هم هنا .. بالاسم منا وهم عكسنا

عاوزين نلاقي مصرنا .. وننور ديارنا ومخنا

و نلم من هم عكسنا.. علشان نرجع نفسنا

قلقانه حزينه وغيرانه .. من غير إيه ولا ليه حيرانه

يابشر ترابها هِمو لها …رجعوها معاها حقها

مش سهل عليا خطفها .. ودمي مروي من ميها

ودموعي سايله لنهرها .. ونفسى رفع سهمها

عطاءه وغاليه أرضها .. بشهامه وخفه دمها

لفيت لغيرها ولقيتنى … هي عندي بيتي وسٌكنتى

خسارتها خسارتك وخسارتي .. يا شعب لم تراب أرضي

بقولها مره تانيه .. ولادِك ليه نايمه

إصحوا وفوقوا يا ولاد بلدى… بقولها وعليها موجوعه

دانا  مصريه

12 .12.12

شاهد أيضاً

من خواطرى : كلام شباب .. بقلم: منى حسن

كنت قاعدة مع مجموعة شباب يعني فى حوالى تلاتينات .. عشرينات … كان واحد منهم, ...