الرئيسية / منوعات / ياسنه حزينه كئيبه امشي .. كلمات كيرلس يوسف

ياسنه حزينه كئيبه امشي .. كلمات كيرلس يوسف

ياسنه حزينه كئيبه امشي كفايه مستنيه ايه

في ايه فيكي يخلينا نستحملك ونخاف عليه

اسألي شهداء البطرسيه ياسنه ملكيش عزيز

اخدتي كتير واستكترتي علينا الساحر محمود عبد العزيز

كنا بنشوف ايامك الحزينه واحنا مكسورين وتعساء

اسألي سوريا واهالينا ازاي كانوا فيكي بؤساء

الدم سال في اراضينا العربيه من شويه ارهابيين غوغاء

ايامك كلها ضيقات وكأننا في نهايه العالم في انتظار الفناء

ياقدس يامهد الانبياء وياقبله المرسلين

ستنتصري يوما علي القتله اعداء السلام الهمجيين

ربك لايرضي ابدا بما يحدث وستأتي يوما عداله السماء

وسلاما للمسجد الاقصي وكنيسه القيامه ياحاضنه الانبياء

واه يامصر يابلدي لما حالك بيا يضيق

اه لما أتفجر وأموت وتودعيني في صناديق

قولوا للارهابيين انا مش كافر ولاملحد ولا زنديق

مش هتهزمونا ولا تكسرونا هنعيش وهنكمل لآخر الطريق

مش مسأله سكر يابلدي أو شويه زيت

او أنا من حالك زهقت يأست ومليت

طول عمري بعيش معاكي ع المره قبل الحلوه

حتي لو مفيش حاجه في البيت

راضي انا حتي وانا مرمي في البرد ع الرصيف

بتحمل انا ظروفك ما أنا صاحب البيت مش مجرد ضيف

نفسي لما أتعب الاقي العلاج واعيش مستور

عاوز اعيش فيكي بكرامه مش متهان مكسور

ياسنه جديده جايه في الطريق مستخبيه

امانه عليكي تكوني سعيده وهنيه

والسلام والامان يعم  علي مصر الأبيه

ونعيشي يابلدي فيكي واحد متفرقناش شويه جماعات ارهابيه 

شاهد أيضاً

لجنة المحبة بإمبابة تشارك اخوانهم المسيحيين فرحتهم بعيد الميلاد المجيد

كتب حسن أبوالعنين: فى لفتة من ابناء الوطن الواحد وبروح الود والآخاء شاركت لجنة المحبة بإمبابة ...