اليوم الأربعاء 13 ديسمبر 2017 - 5:07 مساءً
الرئيسية / مقالات / من خواطرى: هى لحظه ..  بقلم : منى حسن

من خواطرى: هى لحظه ..  بقلم : منى حسن

مراحل الحياه وفكر الواحد واحتياجاته بتتغير وتقل مع كل سنه بتعدى…  

فى سن الشباب الاحساس بالحياه عالى جدا والشغف بيها وانه مايضيعش وقته فى المسؤليه, فيها الخروج والاصحاب والاحلام واستكشافات دروب الحياه وبس..  وفى نفس الوقت الضياع والحسره والرغبات من اللى عاوزه ومش عارف لضيق امكانياته وغيره من ضغوط الشباب فى هذا الزمن وكل الازمان لها ضغوطها..

وبعده يجى الارتباط والحياه الحقيقيه والطاحونه ومفاجأه المسؤليه, ودخوله فى دوره مختلفه خالص عن سينينوه اللى عدت.. 

ويبدء فى مرحله تانيه وابواب من الحياه مختلفه تتفتح ويعشها, ورحله وسباق لتوفير حياه مريحه والحياه الماديه تغلب على اسلوب طابع حياته.

وتعتبر دى اطول مرحله عمريه فى رحلته ومنها وفيها يكتسب خبراته وعلاقاته ومادياته, واسلوب حياته يتطوّر ومحاوله دائمه لاثبات ذاته وكيانه وكل ده يتبلور على اساس نشأته وثقافته وبيئته, وناتجه من يكون من مكانه او عطاء. 

المراحل اللى بيمر بيها الانسان وهى سنين عمره المحسوبه بالفعل ماهى الا لحظات فى تاريخه الفعلى .. وفعليا ماهى الا تفاعلات حسيه مع مواقف ناتجها يتحدد به مساراته فى الحياه.. 

وامبارح هو ماضى عايش فى حاضره ومستقبله هو الحاضر بمعنى ان امبارح والحاضر والمستقبل هو لحظه حياته الفعليه…

وان مقياس الزمن فى مرحلتين الحياه دول يقاس بالقوه البدنيه  وهى تتوافق ايضا مع جسمه وصحته و طاقته الخفيه هى التى تتحكم  فى كل هذه المنظومه وتمدها بالاستمراريه و الحاجه والوصول لمراده..

ويبدء عند مرحله سنيه اخرى وهى تنقسم الى مرحلتين المرحله الاولى منها بدايه غربله المرحلتين وفى نفس الوقت التشبث بيهم والتشبهه وادراك العقل بان ما يريده اسبق من مايستطيع فعله وذلك للاستهلاك الطبيعى للجسم, والطاقه معدلها يبدء فى الهدوء ويبحث عن مايتناسب مع راحته ونظره استمتاعه للحياه تتغير وتاخذ ماخذ الحكمه والتروى وطبعا ده يتوقف على خبراته المكتسبه.. 

وهى مرحله دائما صعبه لانها نهايه مرحله الشباب وبدايه مرحله تمهيديه وطلاباته واحتاجاته تقل وتتغربل للمرحله الاخيره التى يرى فيها الحياه بالعين المجرده ويسردها فى لحظات واخرها تنهى بنهايه فى اقل من الثانيه.. 

فى نظرى رحله الحياه بسيطه محتاجه شويه تقيم وتعديل لان عَقدها البشر بالاحتياج والمهابره والجاه والسلطه والتكنولوچيا

وهى الاخر لحظه…

مصريه

٢٠١٧

شاهد أيضاً

متسول يلتحق بجامعة كامبردج .. بقلم : شكرى رشدى

الإنجليزي »جيف إدواردز»‬ من مدينة »‬كامبردج» وهي مدينة تقع في شرق إنجلترا، قضي معظم حياته ...