الرئيسية / مقالات / من خواطرى : السجانه.. بقلم : منى حسن

من خواطرى : السجانه.. بقلم : منى حسن

كلمه صعبه دى,  بس هى وضع ناس كتير يعشوه من غير ما يدركوا انهم فى قبضتها,, السجانه ممكن تكون وضع او علاقه او ظرف, وموضوع يترتب عليه تغيرات فى الحياه والافعال..
او فكره تتملكك وتسجنك سنين عمرك, وانت عايش جواها ومش عارف تخرج منها لاسباب سواء صعب تحقيقها او فيها اذيه او مش انت !
او شخص يدخل حياتك وتحس انك مش انت علشان ترضيه, وتتغير وتلاقى نفسك حاجه تانيه ادامه,  ومش مستوعب انك خسران الدنيا قصاده,  ومش عارف ازاى الشقلبه منين,  وفى الغالب: هو بيكون له مصلحه ورسملك الهوا وتمكن من خيوطك وبيحركك زى ماهو عاوز ونصب شبكته لعدم الفلفصه وإشغالك الدائم بمهام او اتهام..
امثال هؤلاء فيهم غدر وشر وانانيتهم عاميه انسانياتهم ده غير عدم الرضا واحساسهم المشغول بمحاولات دائمه للحصول على مرادهم وطلب الشعور بالامان لانه ناقص عندهم ..
السجانه لقب لحارسه فى زنزانه او لسجن, هى بنى ادمه لها حياه خاصه وقد تكون من ارق وارحم الناس وعملها ادخلها فى عالم كله حكايات و احداث مؤثره فى منهم من تأثر ولايرحم و منهم من يرحم ويتفهم..
السجانه هنا مقصوده لدنيتك وهى منظومه بقت كلها قوانين واومر وضغوط,  تتلخص مره فى الماديات ومره فى مراكز القوه وغيره من ما يتملك شخصيه فيها نقص او ضعف معين و يتحكم فيه,.
ده غير سجنك كل يوم فى يوميتك واسلوب حياتك اللى اتغير ولسه بيتغير وهو المفروض يكون عادى وطبيعى لانه من  قانون طبيعه الحياه
العيشه كمان نفسها بقت زى السجن وياريت قوانينها ثابته, دى بقت على المزاج كل واحد بيسن قانون ويضبطه على ظروف الآن..  بيفكرنى بزمن زمان فى بلاد الرومان.
السجانه دلوقتى بقت خانقه من اللى مش بيرحموا علما ان الحياه مالهاش حدود ولاابعاد, قوانينها بتسن نفسها سهله بسيطه تعتمد على نفس سويه تتفهم وتتعامل بآدميه زيها زى قوانين الجو والبحر والصحرا لهم اصول ومسارات سويه لسه حافظه نفسها ومتماسكه لو اتلخبطوا.. كده بقى قانون الطبيعه راح كمان فى خبر كـان  ومعاه كل الازمان والانسان..
مصريه
2017

شاهد أيضاً

القاتل واحد وضحاياه كثيرون ! .. بقلم : عبدالرحمن مهابادي – محلل سياسي خبير في الشأن الايراني

إذا نظرنا إلى مشهد الشرق الأوسط والجرائم المرتكبة في هذه المنطقة من العالم ليس من ...