الرئيسية / مقالات / من خواطرى : مهرجان الجونه السنيمائى .. بقلم : منى حسن

من خواطرى : مهرجان الجونه السنيمائى .. بقلم : منى حسن

من شهور وهم بيشتغلوا وتعبوا وفهموا فى صمت,  تحضير وحضور مهرجانات وافتتاحات ومقابلات وترتيبات, ذاكروا كويس اوى بفكر منظم  وفاهم, خطه عمل ناجحه بفريق عمل اشتغل بحب وتفانى  .. ناتجه النجاح ده!

النجاح  دايما ناتجه بيكون لما الواحد يحط فيه كل قوته واصراره وفكره وفهمه وخبرته,  محدش بينجح مجرد عمل حاجه وخلاصها وانتهينا لمجرد الفعل, النجاح ده مش وقتى, النجاح ده حاجها بتلازمك دايما لانه بيعتمد على شخصيتك, على مثابرتك, على ان لما بتحط حاجه فى دماغك لازم بتحققها, على الفكره نفسها  وبعدين على الامكانيات اللى بتساند قوه التنفيذ ومين بينفذ!

مهرجان الجونه من المهرجانات اللى عمل بصمه,  وحاتغير حاجات كتيره اوى  فكر ونظره مجتمع ومجتمعات لينا.. وهى باديه بفكره حب السينما

ومن الطبيعى مردود  المهرجان تكون اهدافهه كتير ومثمره مش بس لمهرجان السينما ولكن اضافات لبلدنا.. وللجونه نفسها لان هى البلد اللى اتولد فيها المهرجان و اتمنى تفضل متماسكه مع الزمن

الجونه جميله اوى, مكان من احلى الاماكن على البحر الاحمر فى مصر, معموله بفكر حلو  متخططه ومتصممه بجمال فلازم تبقى ناجحه..

اختيار مهرجان الجونه فى التوقيت ده كمان كان تفكير سليم لان الجو بتاعها كان حلو, ده بدايه دخول الخريف وفى نفس الوقت اواخر الصيف,, اختيار الناس والممثليين والضيوف اكيد كل سنه حايبقى بيتغير.. ولكن التنظيم نفسه معمول كويس والناتج نجاح

مهرجان الجونه ده تصغير مجتمع صغير لو بصتله انا وجردته من انه حدث وشوفته كاكيان, فهو تصغير مجتمع سبب نجاحه ان فيه مسؤل والمسؤل وزع المهام لمسؤل تانى .. فبقى كل جزئيه او قسم او مجموعه عمل فى المنظومه لها مسؤل,  مش متسابه كده وخلاص.. علشان كده فى نجاح  ولان كل مسؤل عن مجموعته او توزيع مهامه  فاهم صح ومتابع صح ومحتوى الجمع اللى بيشتغل معاه,  واكيد بيشرف ويوجهه صح, وبيهئ جو فيه قرارات وحلول سريعه, وراحه وحب وشرح لرفع روح العطاء, وكان لازم فى الاخر تبقى منظومه واحده وتخرج بهارمونى واحد علشان ينجح المهرجان!

فى مجتمعنا فين المسؤل او مين مسؤل فاهم عن المهام بتاعته مين له صلاحيه وقرار بدون اى اعاقات  او بيروقراطيه, احنا دايما بنرمى المسؤليه على اكبر حد مش على المسؤل الفعلى,  فصعب الحل او التغير

الفكر ده ثقافه,  النظام ده ثقافه,  المجهود والاصرار على الانتاج  دى ثقافه,   حب الشغل انه ينجح دى ثقافه,  ماحدش يستنى حاجه من حد “وهو العطاء” دى ثقافه,  الهدف يبقى واحد دى ثقافه..

السلبيات اللى حصلت على مواضيع مالهاش دعوه بنجاح المهرجان دى قله ثقافه….. كان لازم يسيوا المهرجان بنجاحه ورونقه وبعدين يتقال الانتقادات للملافاه للمرات اللى جايه, كانت سلبيات وانتقادات مش فى وقتها,  وده كمان مش من صلاحيته حد يتدخل غير مسؤلى المهرجان..

ضرورى لما يكون فى حاجه حلوه ككل وتكون ايجابيه,  الواحد لازم يسبها حلوه مايشوهاش علشان لازم تفضل ناجحه وانطباعها ما يدخلش فيه ولا جزء صغيرمن ال  1% اى سلبيه..  وهى دى النظره الايجابيه

مهرجان الجونه له حلاوته ببصمته  لان احنا لنا جو مختلف وشكلنا مختلف جسمنا مختلف بيئتنا مختلفه كينونتنا وروحنا وضحكتنا مختلفه, ولكن تنظيمه واخراجه بروفيشنال,  فبلاش مشابهه ومقارنه!!

 

نجيب عملت مجهود رائع وفكر وتنظيم بحب جامد اوى للسينما ولمصر..  ولسميح بجمال الجونه بتقديمها  وفتح ابواب سياحه لشواطئنا ….. مشكورين ال ساويريس  وعملهم فى صمت ..

ومشكوركل واحد شارك, ومن كان مسؤل فى منظومه وهيكله وخطه تنظيم المهرجان..

فهل ممكن ناخد المهرجان كا مثل لتنظيم وهيكله مجتمع بمسؤل بثقافه وفكر وتخطيط لنجاح مستقبل بلد!!

تمنياتى وتحياتى

مصريه

2017

شاهد أيضاً

«راح ولي الأمر في شربة ميه» .. بقلم : شكرى رشدى

في أول يوم للدراسة توجه ولي الأمر بصحبة ابنته »روان« لتوصيلها لمدرسة روض الفرج الإعدادية ...