الرئيسية / مقالات / من خواطرى : فى ناس.. وبعدين .. بقلم : منى حسن

من خواطرى : فى ناس.. وبعدين .. بقلم : منى حسن

فى ناس بتتقابل وناس بتعرف ناس وناس بتشوفها كإن تعرفها من زمان, وناس من غير ماتشوفها تسمع بس عنها ومش عاوزها تكون فى حياتك, وناس فى حياتك ومش عارف تكون ازى مش فى حياتهم,  وناس نفسك تكون فى حياتهم.. ولسه اشكال كتيره اوى من احاسيس ناس مع بعضها..

تفتكر انت مين من الناس دى!! ولما بتقيم نفسك, ده من نفسك وَلا تقيم الناس ليك..

الناس جموع افراد, والفرد للحكم عليه لازم بتعامله مع فرد وناس, وَلا بمستوى وافعاله.. سؤال هنا: هل الفرد بيتعامل بناء على طريقه تربيته ولا بيتعامل مع موقف واسلوب,  وبناءاً عليه تترتب ردود افعاله اواسلوبه؟

هيه اخبار الناس ايه دلوقتى, وليه دلوقتى اختلفوا عن قبل, ولا هما كده وكانوا كده وطول عمرهم كده!

انا فاكره زمان الحياء والاحترام كان سمه التعامل, والوعد والكلمه عقد, اهل كرم عطاء, الشهامه والجدعنه قوه وسند, النخوه والرجوله الامن والامان,  وغيره من شعور يخليك نايم مرتاح بضحكه وابتسامه وراحه بال..

ماكانش فى حد بيحمل هم بكره, كان بيفكر فى بكره آه, ولكن مش بضغوط الحياه دى واللى جد عليها من اسلوب!

اسلوب الحياه دلوقتى رتمه سريع, ضغوطه اضاعفت, كأن الوقت قصر والاحدث زادت وكل مادا ما بتزيد, المشكله كمان فى الاعداد اللى عماله تزيد من غير حسبان.. وبعدين

كلمة وبعدين للاسف مالهاش حل زى كده كلمه معلش.. الاتنين يوادو فى داهيه لان واحده عدم ادراك الالتزام والتانيه عدم ادراك العواقب!

وبعدين كمان بقت فيها لا مبالاه, وقسوه, وقله ضمير, ده غير القلق من كل حاجه حواليك والثقه الشبه منعدمه..

هى الناس حاتفضل كده كتير؟

هو الاسلوب ده بقى خلاص تمكن من طريقتهم؟

مافيش بريق امل من انتعاشه نشل بشر من غوصهم من المصالح ويالا نفسى؟

هى دى بقت الحياه؟

هو الناس عايشه ازاى كده بدون محاسبه نفسهم, ومراجعه حسابتهم نحو اهلهم وناسهم وبلدهم,,

ايوه هم لازم يبتدوا يفقوا ويحاسبوا نفسهم قبل ما يتحاسبوا.. لازم يقوموا بواجباتهم قبل مايطالبوا, لازم يغيروا من نفسهم علشان يلحقوا يكونوا من كانوا وحببوا العالم من قبل بكينونتهم وشدوه لهم.. افرقوه مره تانيه بهويتكم وكينونتكم لان احنا لينا بصمه مختلفه احنا لينا ضحكه من القلب!

زمان لو حد انجرح كانت الدنيا تنقلب وتتلم ومتابعات وسلامات وتهانى لحد مايخف, دلوقتى لو مات العزا بكلمه ولايك!

تمشى تلاقى ناس مش خايفه على بعض, كرهه يومها ووجودها فى اهلها وصل ساعات انه نقمه,  كله بيسابق كله, كله عايش ويومه بيخلص وخلاص ايجابى سلبى مش مهم, اهى عيشه!!

حايقولولى الزمن بيتغير واسلوب الحياه تطور, وحارجع اقول عندنا بس, عندنا بس السكينه سارقاناه, عندنا بس لفينا وربطنا حبل حوالين راقابينا بمسمى مجاراه التطور بإمكانيات محدوده سجنت الفكر والحياه وعيشتنا فى ضغوط مستمره..

و ده لاهى الناس عن بعض وعن بساطه الحياه واسلوبها الطبيعى.. وهم من يعقدوه بعدم النظام والنضافه وقله الانتاج والقيم وقله الادراك, وقله الاحترام..

الموضوع بسيط بس فيه تنازلات وتغيرات, مين قادر للتغير!

لازم يتحول خوف و قلق الزمن ده لطاقه ايجابيه بنائه لكسر الضغوط الخانقه لعيشه يرجع فيها الناس بينهم وبين بعض الوصال والعطاء والمسؤليه اللى تجر وراها التغير اللى عاوزينه.

الناس عاوزه تعيش وتاكل وتِكبر وتكَبر ده طبيعى,  بس لازم يكون لده مردود لارض عايش عليها ومجتمع وبلده, احنا لو كل واحد ادى بجد نص ساعه لبلده بس.. حايبقى المردود ناجح,  وهى فى الاخر ناس وناس..

وبعدين!!

مصريه

12-12-2017

شاهد أيضاً

لماذا يهدد النظام الإيراني بإغلاق # مضيق_هرمز؟ .. بقلم: المحامي عبد المجيد محمد

قال الملا حسن روحاني يوم الثلاثاء ٣ يوليو في اجتماع صحفي في مدينة برن عاصمة ...