الرئيسية / مقالات / من خوطراى : من اول السطر .. بقلم : منى حسن

من خوطراى : من اول السطر .. بقلم : منى حسن

عيشه بقيه غاليه اوي كل واحد بيفكر في نفسه وبس,  مش مفهوم ده من تركيبته  وَلا ده من اللي بيجرا في الدنيا, وَلا ده حال البلد وظروفها وضغوطها,  وَلا ده قله حيله مش عارفه..

 كل ما حلل حد غني على فقير, كويس على شرير, الاقى كله الناس بقيت زى بعضها,  بإختلاف الاقليه والظروف..  المواقف, الاحداث,  طريقه الكلام النشأه الثقافه التربيه,  كل الناس همها حاجه واحده بس انا عاوز ايه!!

كلمه انانيه اوى انا عاوز ايه, على حساب الناس والتاني والتالت والرابع, مابقاش فيه المسؤليه وانسانيه وَلا احساس غير نفسى بس,  مابقاش في طموح ومثابره,  مابقاش علشان خاطر حد ولا تضحيه,  مابقاش فى صفاء نفس وراحه بال,  مابقاش حاجات كتيره من اللى البني ادم مفتقدها..

مواكبه الحياه واحدثها مع التطور والتكنولوجيا  ورتمها السريع ده  ربك الناس وقرب المسافات  وخسرهم هويتهم,  ومزج ثقافتهم,  ومابقاش فى حد فارق معاه هوا فين ولا مكانه ايه.. بأديه وزرار كأنه فى بلد تانيه  وبودنه بيسمع اخبارها  وبعينه بيشوف احوالها كلها,  كل حاجه بقت مفتحه  ومتناوله  وكله فقد رونقه!!

نفس الاقى فى حب فى ضحكه وفرفشه من القلب فى تواصل فى خوف على بعض فيه عطاء فيه ناتج ايجابى بلم شمل حياتنا..  

ما يدور حولى غريب باحداثه وغير قادره على قبوله واستيعابه ونفسي كل ده يتلغي ونرجع من اول السطر تاني..

صعب مع كل الموجود والسنين الي فاتت واللي بيحصل دا كله, واكيد اللى راح مابيرجعش سواء زمن او غيره..  ولكن الاغرب ان الناس كلها دماغها بمشتملاتها اتلغت واتبرمجت باسلوب مختلف,  واقليه اللي لسه بيفكروا بالزمن الماضى الــــ مش بعيد اوى,  وبيعتبروهم  دقه قديمه مختلفين وغير موافقيين اومتماشين مع اللي بيجرا, اللي هما اهل الصح,  هما دول خبره الاصول والمفروض,  هما دول لازم يبدءوا  يقولو فوقوا  لــ فين المبادئ,  فين القيم والاخلاق,  فين العادات والتقاليد,  فين حاجات كتير من زمان!

انا مش قادره افهم احنا رايحين فين مع الزمن ده, التعاملات اختلفت, الانسانيه تحورت, الانتماء بقى اضطرار, الاهل بقت واجب, الشغل غصب, الضحك استهزاء, الغلط بقى الصح, , حتى الحب قلب مصلحه, اتلغى القلب و رومانسيته المشاعر, والمبدء بقى ماضى,  وراحه البال امنيه,  والسلام بقى حلم,  ربنا يستر .

مصرية

شاهد أيضاً

انتفاضة الشعب الإيراني ضد الديكتاتورية من اجل الحرية .. بقلم : عبدالرحمن مهابادي –

شبكات التواصل الاجتماعي بشكل عام و التلغرام بشكل خاص كانوا أحد الاشياء التي أوصلت الولي ...