اليوم الثلاثاء 16 أكتوبر 2018 - 4:14 صباحًا
الرئيسية / مقالات / من خواطرى : العـــالم جــــــونـــا.. بقلم :  منـى حسـن

من خواطرى : العـــالم جــــــونـــا.. بقلم :  منـى حسـن

كنت بأتفرج على مهرجان الختام فى الجونه وثلاث دقات سمعاها لسه من بعيد,  وانبسطت اوى بالتنظيم وكلمه الحكام للجوايز, وشكل الناس وتنظيم الحفلة, والممثلين وممثلات والضيوف,  والأجانب, واللى كسبوا وقالوا شكر وكـلام في حب مصر!

اد ايه اسعدتونا واسعدتوا صناع الافلام وهم من يشاركوا فى مهرجانات عالميه, ومنهم المخرجين الرابحين بكسب جوايز مصريه لاول مره ووجودهم فى بلدنا مصر..

كلام وصدى جميل,  ومجهود رائع مدروس, مصروف عليه جامد, الناس الصح في المكان الصح, و اختيارات المتخصيصين كأعضاء لجان تحكيم ..  اكيد في حاجات صغيرة ممكن تكون مش مظبطة وده وارد في كل حاجة, ولكن المجمل رائع جدا.

سميح عمل مكان جميل الجونه من اجمل الشواطئ..  ونجيب مؤسس مهرجان الجونه, حبه للسينما وحبه لمصر هيه الذبذبات الايجابية الدافية اللى عامله الجو ده في الجونه,  كل الناس موجوده هناك بحب, وكل الناس موجوده فى حاله مالهاش وصف من بهجه وابتسامه وراحة وسكينه وارتياح, وتوفير الخدمه لهم ولراحتهم..

مهرجان الجونه دعايه لفتح باب علاقات وتبادل صناعه السينما بمزج ودخول ممثلينا للعالميه .. وبث روح الحياه والامان للعالم لزياره مصر..

مهرجان الجونه واجهه مشرفه لمصر ويضع اسمها بين المهرجانات العالميه وبمستواهم..

كل الناس اشتغلوا من السنه اللى فاتت علشان يطلعوا 9 ايام من أحلى 9 ايام..  وحايخلص ويشتغلوا تانى علشان يحضروا للسنة اللى بعدها..

الفهم والهارمونى اللى بينهم حاجة جميله أوى, منظومه متألفه,  كله خايف على شغله, كله عارف شغله, كله مصمم إنه ينجحه …

مهرجان الجونه لما اتفرجت عليه, اكيد السنة الجاية حايكون أحسن وأحسن وحايفضل احسن لسنين كتيره جايه.. لانه مايقلش عن مهرجان كان ولا فينيسا ولا اى بلد في العالم..

تمنياتي دايما بالحاجة الحلوة انها تفضل حلوه وتدوم,  ومهرجان الجونه حاجة حلوه اوى, وانا بأحب دايما اشوف ان مصر فيها حاجة حلوة  خلت العـــــــــالم جــــــــونا

شكرا لمن شارك ونظم وللمجهود الرائع

شكرا نجيب والـــــ ساويريس..

مصرية

28 September 2018

 

شاهد أيضاً

هل للخير عدوي ؟ .. بقلم : شكرى رشدى

اكتشف علماء من جامعة بوفالو الأمريكية أن المنطقة التي يكون فيه جار واحد خيرا يمكن ...