اليوم الخميس 22 أغسطس 2019 - 12:45 صباحًا
الرئيسية / مقالات / مـن خواطرى : ولاد الأصول مش للبيع .. بقلـم : مـنى حـسن

مـن خواطرى : ولاد الأصول مش للبيع .. بقلـم : مـنى حـسن

زمان فى الافلام كانت قصص بتقول بنت فقيرة يحبها راجل غنى, ويجيلها على حصان ابيض ورافع سيفه وساعات بيكون سواق بيدخل مع عيله وتلاقيه فجأه وقع فى غرام بنتهم.

اللطيف فى الموضوع كنا دايما بنشوفها انها افلام حكاوى, واستحالة تكون فى الواقع لأن فرق التفاوت فى الطبقات والثقافة والنشأة والتربية والعيشة, ده غير كمان الاحترام وعدم رفع العين عن الحاجب زى ما بيقولوا فى الأمثال، وكل ده كان له وقفات وحوارات واعتراضات بأنه مش المفروض يكون فيه امثلة بالمنظر ده علشان مايكونش فى ترجمة له فى الواقع واتنسى خالص ان القصص اللى فى الأفلام وارد يكون لها تجارب وقصص فى الحياة وتجارب حصلت فعلا او مكنش يخطر على بال حد خالص انه يحصل حاجات زى كده لأن كل واحد كان واقف فى مستواه وفى موقعه وواقف في حاله بأنه ميقدرش يعدى الخط ده , مع الزمن وبالذات فى اوقاتنا الحالية وللأسف فى زمانا اللى وقع فيه برقع الحياء ووقع فيه الاحترام وفهم مواقع كل بنى آدم من حجم نفسه واعتبر كلمة انا زيى زيك هى السلاح اللى بيتكلم بيه من مفاتيح الخاطئة لفهم الديمقراطية وفهم التعادل مع الناس وان إنت تبقى بتتعامل مع الناس عادى, وفهم قلة ثقافة بأنه يخلى الغفير يختلط بالسفير وده للأسف من الجهل واللى حصل من احداث السنين اللى فاتت غربلت حاجات كتيره اوى وكسرت قيم وأصول من حياة اللى احنا كنا عايشينها ….

كلمة تساووا الناس والبشر كلمة مش صح ، هما متساويين كبشر ولكن هما مش متساويين في الطبقات، وحييجى حد يقولى انتى طبقية ايوه انا طبقية وأنا بأتعامل من هذا المنطلق ، لأن ربنا اصلاً خلقنا طبقات ، وخلقنا طبقات لأسباب كتيره جداً ، وهى نفس الأسباب اللى متطبقة فى حياتنا ، وكل واحد لازم يعرف حجم نفسه والامكانيات اللى لازم يكون فيها بس مايبصش لأكتر منها …. دلوقتى لما تفكر هل ممكن بنتك تتجوز عامل او شيال او ابنك  يتجوز واحدة من العشوائيات , النهاردة مبقاش فيه فكر هو مين وهى مين ، ولكن للأسف لنسيان تقدير ثقافة والرقى فى الفكر وطبعا تفاوت فى المعيشة والحالة الاقتصادية لهم تأثير قوى وبيلعبوا دور مهم ولو اعتبروا ان المادة هى المفتاح بتاع القصص دى كلها ، ولكن عمر ما كانت المادة هى اللى بتقيس البنى آدمين ولا هى اللى بتحدد مصيرهم لأنها اداة قى حياتك إنما الأصالة فى التربية والاصالة من البيت هو ده الأساس وبعدين المادة عامل مكمل للموضوع

موضوع مضايقنى وعاملى ارق باشوف امثلة كتيرة فى الحياة ان ممكن  سواق يحب ست البيت وعامل يدى لنفسه الحق أنه هو يغازلها وأمثلة كتيره أوى من الحاجات دى احداث بتدور حواليا وسامعه حكايات كتيره فيها حاجات من دى لدرجة انك بتتفاعل وتبقى مش عارف تقولهم ايه من كتر ما الواحد بيكون مذهول او فى حالة مش عارف ينطق مخه بيحصله تجمد من هول مفاجأة الموضوع.

وهنا السؤال هل حاتقبل زوج لبنتك من العشوائيات او من مستوى بيئى مختلف ! علماً بأنه اشتغل على نفسه بالارتقاء بمستواه من النواحى الثقافية والسفر واكتساب الخبرات من الحياة وتخيل انه بقى بنى آدم تانى ولكن فى الواقع جواه ومن حوله من صلة الرحم واقاربه وضعهم كما هو.. وهو هنا ناقوس الخطر للأولاد والتربية بين ثقافتين.

ايه العمل فى زمن اعتبر من يملك الماده انه ملك الأصالة والعراقة واساس النبته السليمة السوية وهى التى لا يتحكم فيها المادة ولكن يتحكم فيها النشأة وما شبوا عليه..

مصرية

منى حسن

1 Feb.,2019

شاهد أيضاً

من خواطـرى : البعد المجهول .. بقلم : مــنى حــسن

  بقى لى فترة محتارة ومش قادرة اكتب وعندى بما يسمى  (Writer’s Block) حاسه كأن ...