اليوم الأربعاء 26 يونيو 2019 - 12:10 صباحًا
الرئيسية / مقالات / من‭ ‬خواطرى‭ : ‬خيانة‭ ‬الزمن‭ ‬القاسى‭.. ‬بقلم‭ : ‬مــنى‭ ‬حــسن

من‭ ‬خواطرى‭ : ‬خيانة‭ ‬الزمن‭ ‬القاسى‭.. ‬بقلم‭ : ‬مــنى‭ ‬حــسن

تصدق‭ ‬بقى‭ ‬كده‭ ‬لا‭ ‬بيك‭ ‬ولا‭ ‬عليك‭ ‬وتتاخد‭ ‬مقص‭ ‬حرامية‭ ‬من‭ ‬بتوع‭ ‬زمان‭ ‬وإحنا‭ ‬صغيرين‭, ‬بس‭ ‬تاخده‭ ‬معتبر‭ ‬من‭ ‬حد‭ ‬بقى‭ ‬فى‭ ‬العمر‭ ‬ده‭ , ‬فمقص‭  ‬حرامية‭ ‬معتبر‭, ‬تنزل‭ ‬تتهبد‭ ‬هبده‭ ‬تبقى‭ ‬مش‭ ‬عارف‭ ‬ايه‭ ‬اللى‭ ‬بيجرى‭ ‬ولا‭ ‬حواليك‭ ‬والا‭ ‬فوقيك‭ ‬والا‭ ‬انت‭ ‬فين‭, ‬الخيانة‭ ‬دى‭ ‬حاجة‭ ‬صعب‭ ‬أوى‭ ‬إنك‭ ‬تدى‭ ‬الثقة‭ ‬لحد‭ ‬وفجأه‭ ‬تتهز‭ ‬الثقة‭ ‬دى‭, ‬من‭ ‬اصعب‭ ‬المواقف‭ ‬اللى‭ ‬بتواجهها‭ ‬فى‭ ‬حياتك‭ ‬وخصوصاً‭ ‬ان‭ ‬البنى‭ ‬آدم‭ ‬الطبيعى‭ ‬مش‭ ‬بيدى‭ ‬شكوك‭ ‬فى‭ ‬أى‭ ‬حد‭ ‬بيديله‭ ‬الثقة‭ ‬دى‭ ‬وان‭ ‬كانت‭ ‬لسنين‭ ‬وسنين‭ ‬وسنين‭, ‬لما‭ ‬بتحصل‭ ‬فجأه‭ ‬حاجة‭ ‬بتهز‭ ‬الثقة‭ ‬دى‭ ‬فى‭ ‬الحياة‭ ‬بيحصل‭ ‬لها‭ ‬جمود‭ ‬ومبعترفش‭ ‬تفكر‭ ‬ودماغك‭ ‬بتقف‭ ‬عن‭ ‬التفكير‭ ‬من‭ ‬هول‭ ‬الصدمة‭ ‬والمفاجأة‭ ,,, ‬اندراج‭ ‬تعريفات‭ ‬الخيانة‭ ‬تحتها‭ ‬كتير‭ ‬أوى‭ ‬من‭ ‬غش‭ ‬لاكل‭ ‬حق‭ ‬لسرقة‭ ‬لخيانة‭ ‬فعليه‭ ‬لطعنه‭ ‬فى‭ ‬ضهرك‭ ‬هى‭ ‬كلها‭ ‬بتبقى‭ ‬نفس‭ ‬المعنى‭ ‬فى‭ ‬الآخر‭ ‬انما‭ ‬انت‭ ‬مبتبقاش‭ ‬عارف‭ ‬هى‭ ‬جاية‭ ‬من‭ ‬مين‭ ‬او‭ ‬جاية‭ ‬ازاى‭ ‬لأنك‭ ‬مش‭ ‬بيبقى‭ ‬عندك‭ ‬اى‭ ‬نوع‭ ‬من‭ ‬انواع‭ ‬الشك‭ ‬انه‭ ‬ممكن‭ ‬ييجى‭ ‬من‭ ‬البنى‭ ‬آدم‭ ‬ده‭ ‬أو‭ ‬البنى‭ ‬آدمة‭ ‬دى‭ ‬او‭ ‬الموقف‭ ‬ده‭ ‬حاجة‭ ‬زى‭ ‬كده‭, ‬فالبنى‭ ‬آدم‭ ‬يتصرف‭ ‬ازاى‭ ‬فى‭ ‬موقف‭ ‬زى‭ ‬ده‭!! ‬بانه‭ ‬هو‭ ‬يبتدى‭ ‬يلم‭ ‬نفسه‭ ‬ويستوعب‭ ‬ويعرف‭ ‬يواجه‭ ‬اللى‭ ‬جرى‭ ‬ويبتدى‭ ‬يفنط‭ ‬اوراقه‭ ‬أويراجعها‭ ‬وًلا‭ ‬يقف‭ ‬ويمسح‭ ‬كل‭ ‬حاجة‭ ‬فجأة‭ ‬علشان‭ ‬يقدر‭ ‬يلم‭ ‬نفسه‭ ‬ويقف‭ ‬ويشتغل‭ ‬ويلم‭ ‬حياته‭ ‬تانى‭ ‬من‭ ‬جديد‭, ‬فيه‭ ‬مشاكل‭ ‬كتيره‭ ‬اوى‭ ‬فى‭ ‬موضوع‭ ‬التعامل‭ ‬مع‭ ‬موضوع‭ ‬الخيانة‭..    ‬المشكلة‭ ‬اللى‭ ‬فى‭ ‬الموضوع‭ ‬ان‭ ‬لما‭ ‬نيجى‭ ‬نفكر‭ ‬الهزة‭ ‬الاساسية‭ ‬أو‭ ‬الأولانية‭ ‬بتاعة‭ ‬الاحساس‭ ‬بالخيانة‭ ‬دى‭ ‬بتبوظ‭ ‬معايير‭ ‬الكيميا‭ ‬اللى‭  ‬فى‭ ‬المخ‭ ‬و‭ ‬بتعمل‭ ‬لها‭ ‬إضطراب‭ ‬تشوش‭,  ‬وبعدين‭ ‬عقبال‭ ‬ما‭ ‬بتبتدى‭ ‬تفوق‭ ‬وتستوعب‭ ‬اللى‭ ‬جرا‭ ‬وتبتدى‭ ‬تحط‭ ‬النقط‭ ‬على‭ ‬الحروف‭ ‬وتبتدى‭ ‬تسترجع‭ ‬اوقات‭ ‬قبل‭ ‬كده‭ ‬والأسباب‭ ‬وكل‭ ‬الحاجات‭ ‬دى‭ ‬بتكون‭ ‬هى‭ ‬نفسها‭ ‬ابتدت‭ ‬تاخد‭ ‬ابعاد‭ ‬تانية‭, ‬طبعا‭ ‬بيخش‭ ‬جواها‭ ‬زعل‭, ‬بيخش‭ ‬حواها‭ ‬احباط‭, ‬بيخش‭ ‬جواها‭ ‬عصبية‭, ‬بيخش‭ ‬جواها‭ ‬غضب‭ ‬غير‭ ‬طبيعى‭, ‬حاجات‭ ‬كتيره‭ ‬اوى‭ ‬البنى‭ ‬آدم‭ ‬بيحسها‭ ‬وبتبقى‭ ‬مجموعه‭ ‬كبيره‭ ‬جدا‭ ‬من‭ ‬الأحاسيس‭ ‬ساعات‭ ‬بتعميه‭ ‬عن‭ ‬انه‭ ‬ياخد‭ ‬موقف‭ ‬صح‭, ‬وكتير‭ ‬من‭ ‬الناس‭ ‬بتتقوقع‭ ‬بعد‭ ‬موضوع‭ ‬زى‭ ‬ده‭.. ‬

الخيانة‭ ‬مش‭ ‬شرط‭ ‬تكون‭ ‬من‭ ‬راجل‭ ‬وست‭ ‬ممكن‭ ‬الخيانة‭ ‬تكون‭ ‬من‭ ‬أى‭ ‬حاجة‭, ‬كلها‭ ‬فى‭ ‬الآخر‭ ‬بتبقى‭ ‬واحده‭ ‬بمعنى‭ ‬ان‭ ‬مردودها‭ ‬وانطباعها‭ ‬على‭ ‬الشخص‭ ‬بيبقى‭ ‬صدمه

‭ ‬ان‭ ‬انطباع‭ ‬البنى‭ ‬آدم‭ ‬فى‭ ‬المواضيع‭ ‬اللى‭ ‬زى‭ ‬كده‭ ‬بيبتدى‭ ‬يفكر‭ ‬فى‭ ‬تعقيد‭ ‬تركيبه‭ ‬النفس‭ ‬البشرية‭ ‬موجودة‭ ‬كده‭ ‬ازاى‭ ‬بتعاماها‭ ‬ومواقفها‭ ‬ازاى‭ ‬واحاسيسها‭ ‬ازاى‭,  ‬ولكن‭ ‬ابعاد‭ ‬الموضوع‭ ‬للأسف‭ ‬الشديد‭ ‬بتبقى‭ ‬صعبة‭ ‬من‭ ‬هول‭ ‬الصدمه‭ ‬لان‭ ‬فيه‭ ‬ناس‭ ‬كمان‭ ‬حياتها‭ ‬بتتغير‭ ‬خالص‭ ‬للأسف‭,  ‬والتغيير‭ ‬ده‭ ‬بيبقى‭ ‬صعب‭ ‬لأنها‭ ‬بتبقى‭ ‬اتأثرت‭ ‬تأثير‭ ‬قوى‭ ‬جداً‭ ‬من‭ ‬الموقف‭ ‬ده‭, ‬وفى‭ ‬ناس‭ ‬بتخرج‭ ‬بدرس‭ ‬ومواقف‭ ‬كتير‭ ‬اخرى‭ ‬

وهو‭ ‬موقف‭ ‬اصلا‭ ‬لو‭ ‬عبرنا‭ ‬عن‭ ‬الخيانة‭ ‬فى‭ ‬حد‭ ‬ذاتها‭  ‬فهى‭ ‬موقف‭ ‬ضعف‭ ‬البنى‭ ‬آدم‭ ‬اتصرف‭ ‬تصرف‭ ‬غلط‭  ‬قاتل‭ ‬بتكون‭ ‬لحظة‭ ‬ضعف‭ ‬هو‭ ‬حس‭ ‬بيها‭ ‬ايا‭ ‬كانت‭  ‬ترتب‭ ‬عليها‭ ‬مأساه‭ ‬او‭ ‬جرح‭ ‬اوتدمير‭ ‬حياه‭ ‬او‭ ‬رد‭ ‬فعل‭ ‬عنيف‭ ‬فى‭ ‬حد‭, ‬واضح‭ ‬ان‭ ‬الخيانة‭ ‬بقت‭ ‬شيء‭ ‬طبيعى‭ ‬فى‭ ‬حياة‭ ‬البنى‭ ‬آدمين‭ ‬من‭ ‬كتر‭ ‬ما‭ ‬هما‭ ‬مبقاش‭ ‬عندهم‭ ‬آدميا‭ ‬احساس‭ ‬بالبنى‭ ‬آدم‭ ‬الآخر‭,  ‬فى‭ ‬ناس‭ ‬كتيره‭ ‬آخده‭ ‬بعض‭ ‬كأمر‭ ‬مسلم‭ ‬به‭  ‬مابيتعاملوش‭ ‬معاهم‭ ‬بحرص‭ ‬على‭ ‬مشاعرهم‭ ‬والخوف‭ ‬عليه‭, ‬وتوقعاتهم‭ ‬ان‭ ‬ده‭ ‬من‭ ‬الأملاك‭ ‬ومش‭ ‬عارف‭ ‬ان‭ ‬الانطباع‭ ‬الأخير‭ ‬ممكن‭ ‬ينتهى‭ ‬بنهاية‭ ‬مش‭ ‬سعيدة‭ ‬للطرفين‭ ‬لأن‭ ‬دايما‭ ‬الخيانة‭ ‬آخرها‭ ‬ندم‭  ‬لحظة‭ ‬الخيانة‭ ‬نفسها‭ ‬ممكن‭ ‬يكون‭ ‬فيها‭ ‬نشوى‭ ‬أو‭ ‬سعاده‭ ‬أو‭ ‬احساس‭ ‬بالانتصار‭ ‬أو‭ ‬أو‭ ‬أو‭ ,,,  ‬لكن‭ ‬مراجعه‭ ‬النفس‭ ‬بعد‭ ‬كده‭ ‬للى‭ ‬بيحس‭ ‬حيكون‭ ‬فيها‭ ‬الم‭ ‬وندم‭ ‬وانكسار‭, ‬‭ ‬وهنا‭ ‬بيكون‭ ‬للأطراف‭ ‬اللى‭ ‬موجوده‭ ‬فى‭ ‬الموقف‭ ‬ده‭ ‬ردوو‭ ‬الفعل‭ ‬على‭ ‬حسب‭ ‬موقفهم‭… ‬

لا‭ ‬ملامة‭ ‬على‭ ‬النفس‭ ‬البشرية‭ ‬لأنها‭ ‬دايما‭ ‬خطاءة‭ ‬ولكن‭ ‬هى‭ ‬كمان‭ ‬بتكون‭ ‬احيانا‭  ‬ضعيفة‭ ‬بس‭ ‬مع‭ ‬النفوس‭ ‬الضعيفة‭ , ‬لأن‭ ‬الناس‭ ‬اللى‭ ‬قوية‭ ‬من‭ ‬جوه‭ ‬‭ ‬استحالة‭ ‬يبقى‭ ‬عندها‭ ‬خيانة‭ ‬لأنها‭ ‬مش‭ ‬من‭ ‬طبيعتها‭ ‬ولا‭ ‬من‭ ‬شيمتها‭ ‬لأنها‭ ‬بتبقى‭ ‬واقفة‭ ‬على‭ ‬ارض‭ ‬صلبة‭, ‬لكن‭ ‬النفوس‭ ‬الضعيفة‭ ‬الهشة‭ ‬هى‭ ‬السطحية‭ ‬الضعيفه‭ ‬هى‭ ‬اللى‭ ‬ممكن‭ ‬تكون‭ ‬الخيانة‭ ‬من‭ ‬اساليب‭ ‬العيشة‭ ‬والمعيشة‭ ‬بتاعتها‭,     ‬فللأسف‭ ‬الحياة‭ ‬مليانة‭ ‬بنفوس‭ ‬هشة‭ ‬ونفوس‭ ‬صلبة‭ ‬قوية‭ ‬مرتكزه‭ ‬على‭ ‬الأصول‭ ‬والفكر‭ ‬وعلى‭ ‬النفس‭ ‬العادله‭.. ‬احنا‭ ‬بقينا‭ ‬غايشين‭ ‬فى‭ ‬زمن‭ ‬قانون‭ ‬الغابه‭.. ‬ربنا‭  ‬يستر‭ ‬علينا‭ ‬فى‭ ‬هذا‭ ‬الزمن‭ ‬القاسى‭   

مصرية‭ ‬

4‭ ‬April 2019‭

شاهد أيضاً

لن تُطبق صفقة القرن !!!! .. بقلم : محمد فؤاد زيد الكيلاني

صفقة القرن وما دار حولها من خلافات واختلافات وطرق في تطبيقها ورفض أو موافقة عليها، ...