الرئيسية / مقالات / من خواطرى : ترانيم واجراس .. بقلم : منى حسن

من خواطرى : ترانيم واجراس .. بقلم : منى حسن

من احلى الاوقات اللى بحبها الوقت ده وقت كله حب وسعاده تمشى فى الشارع تسمع ترانيم ووشوش الناس فيها ابتسامه كل واحد بيفكر فى التانى وبيدور يهاديه ايه او يعمل له ايه او يساعده ازاى
الحب والالفه بيتعدى الجو بتلاقى الناس ناسيه اى حزن وهم .. بيقبى بس وقت الحب والعيله والاصحاب وقلوب صافيه بعطاءها والاولاد بفطريتها بتغنى وبتحلم بهديتها
الجو برد تلج مطره مابيأثرش على مزاج حد ايجابيه الحياه والعطاء اقوى من اى حاجه تعكر صفاء الوقت ده.
احلى اسبوعين مليانين حكاوى السنه كلها بكل تفاصيلها وعبلها ووجعها وحلوها بيتسرد على ترابيزه مليانه حب وود بحكاوى ساعات فيها دموع وساعات ضحكات تتهز عليها الشموع وكل واحد بيقول ويفضى اللى عنده بمره وحلوه ويكون جاهز ومستنى السنه الجديده وبافكار واحلام وتكمله حياه.
اعياد الكريسماس فى بلد ومكان وبيت احتفالاتهم تقريبا زى بعض واحساس الحب والاحتفالات, ده غير الشجره اللى كل واحد بيحاول ويتصارع ان شجرته تكون احلى شجره بالوانها وانوارها وترتيب صناديق الهدايا ..
اما العشا ده حكايه من كل لون اغنيه وكل بيت له منيو وذوق فى ترتيب الترابيزه
لمه العيله والاصحاب ده وقتها, كله بيفضى نفسه كله مستنى يحس باللمه دى.. احساس بيدى الامان والحب طول السنه
ماحدش بيبقى لوحده ومهرجانات فى الشوارع شجره الكريسماس فى ميدان الشورارع وبابانويل يدى هدايا للكبير والصغير ويتصور معاهم.. ترانيم وغنى فى كل مكان, ومزيكا والحان جميله تستوقف الناس تسمعها وترقص عليها, اطباق ومخبوزات بتتوزع مع حلويات الكريسماس من اهل الشارع والمحلات..
تألف وايجابيه واحساس بالحب للحب والوقت اللى فيه قدسيه وروحانيات جميله بتتخلل كل مشاعرك وتسمو بروحانيات وتغذيها بالحب والعطاء..
الترانيم والأجراس والروحانيات والصفاء والابتسامه والانتماء والأسلوب والاحترام والنظام والنضافه والأخلاق والعيله والأحباب واللمه والعطاء والحب انثره لقلوبكم وأتمنى حياه جميله مع بدايه 2020
الحب مفتاح القلوب وجبر الخاطر حب
مصريه
23.12.2019

شاهد أيضاً

إسرائيل تبحث عن طوق النجاة .. بقلم : محمد فؤاد زيد الكيلاني

الأحداث الدائرة في الوطن العربي خطيرة جداً وتهدد بحرب عالمية ثالثة، وهذه الحرب إن حصلت ...