الرئيسية / مقالات / من خواطرى : صفحات كتابك .. بقلم : منى حسن

من خواطرى : صفحات كتابك .. بقلم : منى حسن

الحياه دايما موضوعها شاغلنى هى والبشر, تأثيرات الحياه فى عيشتهم وانطباعها على تعاملاتهم وتغير الفكر وموازنه الشخصيه بمعدلات الاحداث اللى بتمر بيها وناتجها يكون قرارت لنهج طريقه حياه..
في أوقات كتير بتبعد عن الشخصيه, خبرتها بتكون دروس حياه مستفاده احيانا واخرى فيها اعاده..
استفادتها دايما ايجابيه ولكن الاعاده بتكون اصعب بسلبياتها
الوقت والزمن بيعدى ويعدى معاه احداث كتير ممكن تكون جزء من حياته وممكن تكون لمن حوله سواء يعنوه او لأ
ومعظم مواضيع الحياه مكرره لكل واحد لكن في أوقات وظروف مختلفه, وهى عجله دواره دايرتها لكل البشر فيه بيكملها وفى مابيلحقش, مردودها مختلف باسلوبها وظروفها على كل واحد
‏فالواحد لما بتمر عليه شخصيات البني أدمين بيبتدي انطباعاته تتكون بمروره عليهم كأنها صفحات في كتاب
‏بداية جلدته الكتاب انت, وبتملاه وتقراه, صفحة بتتمعن فيها, صفحة بتمر عليها بسرعه, صفحة تقراها بشويش, وصفحه حزينه, صفحة كلها صور ,صفحه مليانه حكايات , صفحة مش عارف إذا كنت عاوز تكملها, وصفحه تخضك من بشاعتها, وصفحة فاضيه وصفحه قيمتها خلصت, صفحه ضيعت وقتك, صفحه بتملاك بسمه, وصفحه بتأثر فيك ,صفحه مش قادر تقلبها, و صفحة تقلبها بسرعة
كل صفحه منهم هي حكايه وعمر ممكن يكون ,وكل لحظه بتمضى بيكون لها مردود في طريقه الحياه سواء بالخبره او إحساس او انك لسه عايشها.. وكتير ظروف الحياه بيكون لها التاثير الاساسى في توجيه طريقتك فيها وصفحاتها بيبقى لها دور في اختيار عيشتك
ممكن تعدى على صفحه فيها, يكون مالكش يد فيها و القدر هو كاتبها من مردود افعالك, واختيارتك معايرها كاذبه , مسببه, واولوياتك مفروضه, من جلده لجلده هي صفحة كل حياتك.. لان الصفحات انطوت, واللى بتمر عليها كلها فر, وإن كان واحده تتقرى باهتمام اخرها بقى مالهوش قيمه ,غير وجود صفحات بقت صور, او صفحات تسليه بدون هدف, مجرده فارغه.. صفحه قاسيه حياه للحياه
ولكن البنى ادام بطبيعته بيعافر وبيحاول يعيش ودايما مثابر للوصول لنتيجه يحاول يعيش بيها حياته ولازم يوصل لهدف ليكون له معنى وقيمه, كيان يشعر ويدب فيه الامل والحياه..
وبما ان نفوس البشر مختلفه فالنسب مختلفه في الأفعال والاختيارات وطريقه التفكير منها السويه والغير سويه
, زى صفحات كتابك ومردودهم بتنعكس لان..
اخر الكتاب صفحتك انت!!
مصريه
20 jan 2020

شاهد أيضاً

أبعاد الضغوطات على الأردن .. بقلم : محمد فؤاد زيد الكيلاني

لتحقيق صفقة القرن المزعومة والمفروضة بالقوة من قبل الولايات المتحدة الأمريكية، كما حصل في إعلان ...