الرئيسية / مقالات / من خواطرى : بلورة حياة .. بقلم : منى حسن

من خواطرى : بلورة حياة .. بقلم : منى حسن

تعرف يعنى إيه إتولدت من جديد .. وإنت فى السن ده وبأتولد من جديد …. عارف يعنى إيه الكلمة دى تقيمها ومعناها!!

فى مواقف كتير اوى فى الدنيا بتخلى البنى آدم يتحط في حاجة أو موقف فى الحياة,  وفجأة الحياة دى تتغير تماماً ويشوف ويغربل دنيته بطريقة أو بأخرى ويحس أنه كأنه بيتولد من جديد .. بس هو ده كلام  والا فعل والا هو ده بجد بيكون والا حاجة وقتية البنى ادم بيدخل جواها وبعدها: بعد ما بيجمع نفسه بيرجع تانى زى ما كان, ولا فعلا بيتغير! احتمال تكون على حسب كل شخص وعلى حسب ظروفه وعلى حسب هو مر بإيه,  ولكن من الطبيعى إن أى بنى ادم فى الحياة بيدخل فى مواضيع او بيدخل في تجربة او أزمة بيخرج منها بدرس او بيتعلم منها حاجة معينة, مابيكونش درس بمعنى درس, غير انه ساعتها بيشوف حاجات على حقيقتها لأن فيه حاجات بتتعرى فى وقتها وبعد وقتها أكتر واكتر واكتر, وده بيكون نوع من أنواع النضج بتحصل ويتطور,  ومن هنا بيكون ابتدى يبقى عنده خبرة في الحياة او ابتدت خبراته تثقل ضمناً فى الحياة اللى بيعيش فيها وابتدت يبقى له نظره واحتياجات وابعاد وحسابات تانية كتيرة اوى …

بس الحاجة اللى ممكن تقف عندها, هى كل لما تبدأ تحس بولادتك من جديد هل ده بيبتدى يأثر ويغير من احاسيسك وتأثيرها على شخصيتك, من تفاعلاتك, من تعاملاتك.. هو اكيد بيغير, بيحصل نوع من انواع التقييم لكل حاجة حواليك وممكن تكون بتدى كل حاجة وقتها وبتعرف ابعادك مع الوقت ومابيكونش وقت طويل زى قبل كده بيكون الدوره بتاعته أقل..

بس فيه حاجات صغيرة اوى ممكن تحصل تخليك ترجع لذكريات حياتك واللى مريت بيه فى زمانك, ودى من الحاجات الجميلة اوى, لأنه مش معنى ان انا باتولد من اول وجديد ان تاريخي بيتمحى, هو أنا تاريخى مش بيتمحى  ولكن بيحصل له نوع من أنواع النضوح والبلوره فى إزاى املك زمام حياتى, أو ازاى اقيم حياتى واعيشها, وازاى يبقى عندى بعد نظر في طريقتها ومعاملات الناس, والناس نفسها.. وبيحصل غربلة جامدة جدا كمان ان فى ناس بتقع منها,  وناس بتدخل وناس بتختفى وناس بتظهر كويسة جديدة وناس بتظهر وحشة جديدة .. حياتك بتتغير …

بمعنى ان نظرتك للحياه بتكون بطريقه جديده,  بتقيم جديد وغربله السلبيات وايجاد الايجابيات, واحيانا الاقدار بتلعب دور مع التغير ده,  ومن هنا بتتبدى فى كل الاحوال جديد, وتلم شمل حياتك وتبتدي تتعرف على اللى انت عاوزه, وازى ستحققه,  وايه اللى حايتلغى وايه اهدافك للحياه دى.. واذا كان فى احتمال للاختيارات تخليك تبتدى تقيم طريق حياتك الجديده  بنظره تانيه!

الولاده من جديد مش بتنطبق على موضوع واحد, ولكن هى وجود مواضيع كتير فى حياتك زى علاقاتك شغلك تعاملاتك مادياتك مجتمعك اللى بتدور فيه احداث حياتك.. كله بينهار زى الدومينو ورا بعض وفى لحظات من الذهول بتقف ادامه مذهول متكتف مسلم بالاقدار الى ان كل الوقوع الكامل يستقر وتبتدى تشوف فين الخيوط لبداياتك الجديده مش لتكمله القديم.. ولكن لبدايه جديده

مع الوقت بتبدى بولادتك الجديده, ونظرتك وتقيمك وتفاعلاتك وتعاملاتك بياخد طابع تانى,  بس مش معناه ان جواك اتغير ولكن احساسك برجوع تألف مع نفسك بيدى راحه وقوه لتخطى الظروف, و مافيش داعى للندم مراجعه حسابات ولا مواجهات.. ان قوه البنى ادم تكمن فى داخله ويستمدها اولا من نفسه, ومن حوله احيانا على حسب مصدقيه التعامل..

وتلقي الحب الذي يُعطى له,  واحيانا العمل قدر الإمكان للقضاء والتأثر على عقله,  وكتير يحاولوا بانه يحيد عن طريقه.. لو ماخدتش بالك بالمفروص تعمله,  حاتفقد طريقك, وتضيع الهدية الرائعة اللى بتتقدم لك ببدايه جديده, وانت اصلا ماطلبتش حاجه, ولكنها جاتلك..

ودى هى من عظمه الخالق,  وقوه البنى ادام مع نفسه لمواجهه الحياه فى العموم لتكمله المسيره الدنيويه.. فما بالك مع ولاده حياه جديده

الحياة لها أسرار لا حصر لها, لكن مافيش حاجه بتحصل بالصدفة,  ولكن فقط أبذل قصارى جهدك للبدايه الجديده والوقت سيهتم بالباقي

مصريه

3 Jan. 2019

شاهد أيضاً

أصحاب العقول الفقيرة .. بقلم : شكري رشدى

»جاك ما» أغني رجل في الصين.. تقدر ثروته بـ 39 مليار دولار، يقول لو وضعت ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.