الرئيسية / مقالات / من  خواطرى : المرأه دراما كفايه.. بقلم : منى حسن

من  خواطرى : المرأه دراما كفايه.. بقلم : منى حسن

 هو احنا فى زمن ان الست راسها براس الراجل, والا فى زمن ان الست بقت اقوى من الراجل, والا فى زمن ان الست بقت ب 100  راجل..
 طبعا ده كلام فى العموم و مابعممش, بس لقيت ان احنا فى دايرة مهياش مفهومة,, فى شغلها ب 100راجل, فى طريقها لشغلها مهزومة ومقهوره, فى بيتها مطحونه, ومع راجلها مكسوره فمنين المرأه متساوية والمرأه درجه أعلى ومنين الناس اللى قاعده بتنفخ الست بتعمل والست بتسوى, وان الست مِسكت مكانه وان الست بتقوم بالمهام و بتعملها مية فى المية مظبوطه وهى فى الآخر بتطلع مطحونه,,
لو راحت شغلها ليها كلمتها, وسط عيالها ليها كلمتها ,فى طريقها وتعاملاتها ليها كلمتها, مع جوزها ليها كلمتها, لكن فين قيمتها, فين كيانها ومكانتها..
وهل هى بالمناصب وَلا بمجهودها حايغير فكر, هو اكيد فى تغير واحترام واشاده ..  بس
لو فكرنا بجد وغربلنا حنلاقيها ضعيفة هشه, قوتها بتكمن فى دماغها وفى حكمتها وفى طريقتها,, انما تكوينها وبنيانها ضعيف وبيتاخد على ان هى كائن ضعيف منسي ان  قوة احتمالها ومثابرتها اقوى كتيربـ 100 مرة من اى راجل, كفاية 9 اشهر حملها شايله فيهم ابنها وعمره كله بتربيه ليكون هو ده الراجل وفى الآخر يتعامل معاها على انها صف تانى,,, لو اتقال غير كده اتحدى,,
وللاسف المشكله كمان فى ثقافه الست وتربيتها, لان هى دى مشكلة الراجل الشرقى انه اتربى على نظرية  سى السيد حتى لو كان سافر له شوية والا دخل عليه ثقافة تانية والا لبس بدله والا اتخنفس شوية هو فى الآخر فى بيته عاوز يكون سى السيد, العيال بتطلع بنفس النظرية حتى لو هى حاولت تغير الفكر والطريقة والنشأه, المجتمع نفسه فكره مابيساعدش فالمشكلة حاتفضل قايمة..
ولكن المراه انجازاتها بتتكلم عن نفسها ووصولها للمناصب بيتكلم عن نفسه, وأنا دايما اقول الفعل اصدق من الكلام, وهى  فعلها اكتر ما بتتكلم, وانجازها دايما بيكون فيه بعد نظر لأن الأمومة دى غريزتها فدايما حكمتها وفكرها بيبقى فيه بعد نظر, وبيبقى فيه تروى بطريقة او بأخرى, احيانا بتبقى حازمة وحزمها فيه قوه واحيانا فيه عاطفه ممزوجه بالحكمه!
يا ترى حييجي الفكر ان الست البسيطه والمرأة العامله تكون  فى الصفوف الأولى مساوية!!
او ان الرجل ياخد خطوة  لورا انحناء للمرأة لأن هى فى الآخر تساوى الأم والأخت والزوجة  والابنه, كل دول هما يستحقوا التقدير لانهم إللى بيدوا الاستقرار والقوه والمسانده للرجل!!
اكيد حايكون فى بدايه ولكن احب ان نظل نتمسك بعاداتنا وتقاليدنا بأعتدال واحترام..
واقول ايه: تحيا المرأه  وإلى الأمام دائما..
لأنها قصة كفاح من يوم ولادتها ليوم مماتها
مصرية
14 March 2019

شاهد أيضاً

أخطاء شائعة عند البحث عن وظيفة .. بقلم : يحيى السيد عمر

  إذا كنت من حديثي التخرج فأنت بالتأكيد قد سمعت أن البحث عن وظيفة واحد ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.