اليوم الخميس 12 ديسمبر 2019 - 11:35 صباحًا
الرئيسية / مقالات / من‭ ‬خواطرى‭ : ‬جنينه‭ ‬وبشر‭ ‬والكون‭ .. ‬بقلم‭:  ‬منى‭ ‬حسن

من‭ ‬خواطرى‭ : ‬جنينه‭ ‬وبشر‭ ‬والكون‭ .. ‬بقلم‭:  ‬منى‭ ‬حسن

‬تأملات‭ ‬ : الدنيا‭ ‬دي‭ ‬عامله‭ ‬زي‭ ‬الجنينه‭ ‬الكبيره‭ ‬اللي‭ ‬قدام‭ ‬بيتي‭,  ‬مليانه‭ ‬شجر‭ ‬وزهور‭ ‬وخضره‭, ‬حاجه‭ ‬مبدعه‭ ‬جميله‭ ‬جدا‭,  ‬كل‭ ‬يوم‭ ‬بيعدي‭ ‬الشجر‭ ‬بيكبر‭ ‬وورقه‭ ‬جديده‭ ‬تنمو‭, ‬والزرع‭ ‬والورد‭ ‬بيزهز‭ ‬ينور‭ ‬ويملى‭ ‬الجنينه‭ ‬بالوانه‭ ‬الجميله‭, ‬السكون‭ ‬يقاطعه‭ ‬زءزءه‭ ‬كام‭ ‬عصفوره‭ ‬نشيطه‭ ‬بتطنط‭ ‬بين‭ ‬الفروع‭..‬

الشجر‭ ‬انواع‭ ‬واطوال‭ ‬كثيره‭, ‬شجره‭ ‬طويله‭ ‬شجره‭ ‬قصيره‭ ‬وفي‭ ‬شجره‭ ‬مليانه‭ ‬شوك‭ ‬وشجره‭ ‬ورد‭, ‬ونخل‭.. ‬اشكال‭ ‬مبدعه‭ ‬من‭ ‬الشجر‭,  ‬ولو‭ ‬ابتديت‭ ‬اتأمل‭ ‬واحلل‭ ‬الشجره‭ ‬فهي‭ ‬زي‭ ‬الحياه‭,  ‬لها‭ ‬جذورها‭ ‬وكل‭ ‬يوم‭ ‬بتكبر‭ ‬شويه‭,  ‬والبني‭ ‬ادم‭ ‬زيها‭ ‬بيكبر‭, ‬خشب‭ ‬الشجر‭ ‬بيقوى‭ ‬مع‭ ‬الايام‭, ‬وفروعها‭ ‬بتكتر‭ ‬قدامك‭, ‬وكل‭ ‬يوم‭ ‬ورقه‭ ‬بتتولد‭ ‬فيها‭ ‬جديده‭, ‬حياه‭ ‬البني‭ ‬ادم‭ ‬قريبه‭ ‬قوي‭ ‬من‭ ‬حياه‭ ‬الشجره‭, ‬هو‭ ‬كل‭ ‬يوم‭ ‬بيكبر‭, ‬دايره‭ ‬فروعه‭ ‬كمان‭ ‬بتكتر‭, ‬ومع‭ ‬الوقت‭ ‬كل‭ ‬يوم‭ ‬حاجه‭ ‬في‭ ‬حياته‭ ‬بتزيد‭, ‬وناسه‭ ‬بتزيد‭..‬

الشجر‭ ‬ورق‭ ‬بيوقع‭ ‬ورق‭ ‬بيتولد‭,  ‬فيه‭ ‬شجره‭ ‬اصولها‭ ‬وجدرها‭ ‬قويه‭ ‬وفي‭ ‬شجره‭ ‬واصولها‭ ‬وجدرها‭ ‬ضعيفه‭ ‬وفي‭ ‬شجره‭ ‬واصولها‭ ‬وجدرها‭ ‬بتكون‭ ‬مخوخه‭..  ‬الجنينه‭ ‬مليانه‭ ‬انواع‭ ‬واشكال‭ ‬من‭ ‬كل‭ ‬انواع‭ ‬الشجر‭ ‬والورد‭ ‬والحياه‭ ‬مليانه‭ ‬انواع‭ ‬من‭ ‬البشر‭ ‬باشكال‭ ‬كثيره‭ ‬والجنينه‭ ‬مهما‭ ‬حصل‭ ‬فيها‭ ‬هي‭ ‬في‭ ‬الاخر‭ ‬جنينه‭ ‬ابداع‭ ‬خلق‭ ‬ليها‭ ‬سور‭ ‬وليها‭ ‬حدود‭, ‬لها‭ ‬دورتها‭,  ‬زرع‭ ‬بيطلع‭ ‬في‭ ‬الصيف‭ ‬وغيره‭ ‬في‭ ‬الشتاء‭ ‬و‭ ‬يزهر‭ ‬الربيع‭ ‬ويسقط‭ ‬في‭ ‬الخريف‭, ‬وشجر‭ ‬بيموت‭ ‬وشجر‭ ‬بيعيش‭ ‬شجر‭ ‬اوراقه‭ ‬بتقع‭, ‬وشجر‭ ‬بيزهر‭.‬

‭ ‬الجنينه‭ ‬دائما‭ ‬متناغمه‭ ‬مع‭ ‬بعض‭ ‬كل‭ ‬ورقه‭ ‬فيها‭ ‬لها‭ ‬لون‭, ‬كل‭ ‬فرع‭ ‬له‭ ‬شكل‭, ‬ما‭ ‬حدش‭ ‬يقدر‭ ‬يغير‭ ‬تناغم‭ ‬الحياه‭ ‬ولا‭ ‬دورتها‭ ‬ولا‭ ‬يغير‭ ‬من‭ ‬شكلها‭ ‬ولا‭ ‬ممكن‭ ‬يعلمها‭ ‬تنمو‭ ‬ازاى‭,  ‬ممكن‭ ‬يهذبها‭ ‬يقلمها‭ ‬ولكن‭ ‬ده‭ ‬مع‭ ‬دورات‭ ‬الحياه‭ ‬وظروف‭ ‬المناخ‭ ‬يؤثر‭ ‬عليها‭ ‬حر‭ ‬برد‭ ‬مطره‭ ‬عواصف‭ ‬ميه‭ ‬زياده‭ ‬او‭ ‬ناقصه‭ ‬كل‭ ‬حاجه‭ ‬بتاثر‭ ‬عليها‭ ‬وهي‭ ‬نفس‭ ‬الظروف‭ ‬اللي‭ ‬بتاثر‭ ‬على‭ ‬البني‭ ‬ادم‭, ‬وتغير‭ ‬من‭ ‬نظرته‭ ‬للحياه‭ ‬بخضارها‭..‬

‭ ‬الجنينه‭ ‬والبشر‭ ‬بيعيشوا‭ ‬تقريبا‭ ‬شكل‭ ‬دوره‭ ‬حياتهم‭ ‬واحده‭.. ‬وكل‭ ‬حاجه‭ ‬مخلوقه‭ ‬بتكون‭ ‬بنفس‭ ‬الكلام‭ ‬بنفس‭ ‬الطريقه‭ ‬بفصولها‭ ‬ودورتها‭.‬

‭ ‬الجمال‭ ‬فى‭ ‬الجنينه‭ ‬ان‭ ‬بهجتها‭ ‬والونها‭ ‬مابتتغيرش‭,  ‬انما‭ ‬ابتدى‭ ‬زمن‭ ‬البشر‭ ‬يتحور‭ ‬يتغير‭ ‬علشان‭ ‬كده‭ ‬هو‭ ‬مش‭ ‬عارف‭ ‬ازاي‭ ‬يوازن‭ ‬تاني‭ ‬دورته‭ ‬الطبيعيه‭.. ‬

نكمل‭ ‬الكلام‭ ‬ونقول‭ ‬ان‭ ‬كمان‭ ‬البني‭ ‬ادم‭ ‬يومه‭ ‬ماشي‭ ‬مع‭ ‬دوره‭ ‬الكون‭, ‬وان‭ ‬الكون‭ ‬عالم‭ ‬غريب‭ ‬وتركيبته‭ ‬ودورته‭ ‬اغربهم‭,  ‬سبحانه‭ ‬خلق‭ ‬كل‭ ‬حاجه‭ ‬فيه‭ ‬لها‭ ‬دور‭.. ‬لو‭ ‬حد‭ ‬فكر‭ ‬فيها‭ ‬حايلاقى‭ ‬كل‭ ‬دوره‭ ‬هي‭ ‬بدايه‭ ‬ونهايه‭ ‬ما‭ ‬فيش‭ ‬حاجه‭ ‬خالص‭ ‬بتبتدى‭ ‬بس‭ ‬وتكمل‭.. ‬الشجره‭ ‬لها‭ ‬عمر‭, ‬حياه‭ ‬البني‭ ‬ادم‭ ‬له‭ ‬عمر‭, ‬الورده‭ ‬لها‭ ‬عمر‭, ‬الحشره‭ ‬لها‭ ‬عمر‭, ‬الحيوان‭ ‬له‭ ‬عمر‭, ‬الودعه‭ ‬ليها‭ ‬عمر‭, ‬حتى‭ ‬لو‭ ‬انت‭ ‬حتى‭ ‬صنعت‭ ‬حاجه‭ ‬بردو‭ ‬ليها‭ ‬عمر‭.. ‬الحياه‭ ‬نفسها‭ ‬ليها‭ ‬عمر‭!‬

احلى‭ ‬حاجه‭ ‬في‭ ‬الدنيا‭ ‬انك‭ ‬تشوف‭ ‬الحاجه‭ ‬وهي‭ ‬بتكبر‭, ‬تشوف‭ ‬نفسك‭ ‬لانك‭ ‬ساعتها‭ ‬حاتقدر‭ ‬تشوف‭ ‬اللي‭ ‬حواليك‭ ‬وهم‭ ‬بيكبروا‭ ‬وحاتشوف‭ ‬الدنيا‭, ‬

‭ ‬وهي‭ ‬المفروض‭ ‬انها‭ ‬مع‭ ‬الزمن‭ ‬اللي‭ ‬احنا‭ ‬فيه‭ ‬ده‭ ‬كل‭ ‬ما‭ ‬بتكبر‭ ‬الهموم‭ ‬بتزيد‭ ‬بضغوطها‭ ‬والجو‭ ‬بيتغير‭ ‬وبقصر‭ ‬اليوم‭ ‬وجرى‭ ‬الزمن‭ ‬ودورته‭ ‬يؤثر‭ ‬على‭ ‬البني‭ ‬ادم‭ ‬بالتالي‭ ‬بيحس‭ ‬انه‭ ‬ضعيف‭, ‬وانه‭  ‬ما‭ ‬لوش‭ ‬دخل‭ ‬بخلق‭ ‬الطبيعه‭,  ‬وتكون‭ ‬الحاجه‭ ‬الوحيده‭ ‬اللي‭ ‬له‭ ‬يد‭ ‬فيها‭, ‬هو‭ ‬نفسه‭ ‬ومن‭ ‬حوله‭, ‬وهو‭ ‬مش‭ ‬مدرك‭ ‬انه‭ ‬من‭ ‬ضمن‭ ‬منظومه‭ ‬كل‭ ‬حاجه‭ ‬فيها‭ ‬لها‭ ‬دور‭, ‬وانه‭ ‬مش‭ ‬بس‭ ‬يعيش‭, ‬واكيد‭ ‬ان‭ ‬دوره‭ ‬مش‭ ‬اذيه‭ ‬ولا‭ ‬يدمر‭ ‬حياه‭ ‬البشر‭ ‬لان‭ ‬كل‭ ‬حاجه‭ ‬تانيه‭ ‬في‭ ‬المنظومه‭ ‬جميله‭, ‬كل‭ ‬حاجه‭ ‬معموله‭ ‬بحساب‭ ‬وكل‭ ‬حاجه‭ ‬لها‭ ‬دور‭ ‬ايجابى‭ ‬وله‭ ‬حكمه‭, ‬وكل‭ ‬حاجه‭ ‬لها‭ ‬رد‭ ‬فعل‭ ‬وفعل‭ ‬و‭ ‬كل‭ ‬حاجه‭ ‬لها‭ ‬سبب‭,  ‬الحاجه‭ ‬الوحيده‭ ‬اللي‭ ‬تقدر‭ ‬تعمل‭ ‬حاجات‭ ‬كثيره‭ ‬قوي‭ ‬لان‭ ‬هي‭ ‬الوحيده‭ ‬اللي‭ ‬عندها‭ ‬عقل‭, ‬هم‭ ‬البشر‭ ‬

‭ ‬لازم‭ ‬يكونوا‭ ‬احسن‭ ‬من‭ ‬هم‭ ‬فى‭ ‬المنظومه‭ ‬علشان‭ ‬وجودهم‭ ‬مسبب‭ ‬ومنها‭ ‬دورهم‭ ‬ياخدوا‭ ‬بالهم‭ ‬كمان‭ ‬من‭ ‬بقيه‭ ‬المنظومه‭, ‬مش‭ ‬يدمروها‭ ‬ومش‭ ‬يؤذوها‭ ‬بل‭ ‬بالعكس‭ ‬يدوروا‭ ‬على‭ ‬طريقه‭ ‬لانقاذها‭ ‬لانها‭ ‬في‭ ‬طريقها‭ ‬للدمار‭ ‬وان‭ ‬كان‭ ‬هم‭ ‬لهم‭ ‬يد‭,, ‬

صحيح‭ ‬قدامها‭ ‬سنين‭ ‬طويله‭ ‬لسه‭ ‬وعمر‭,  ‬بس‭ ‬برده‭ ‬هيجي‭ ‬لها‭ ‬وقت‭ ‬دمار‭, ‬للاسف‭ ‬الشديد‭ ‬احتباس‭ ‬الحراري‭ ‬والتلوث‭ ‬وتغير‭ ‬المناخ‭ ‬اثر‭ ‬على‭ ‬صحتنا‭ ‬وارضنا‭ ‬لو‭ ‬ما‭ ‬قدرناش‭ ‬نلحقها‭ ‬حانفنى‭ ‬كلنا‭, ‬حايفنى‭ ‬اللي‭ ‬هيكون‭ ‬بعدنا‭ ‬وفاضل‭ ‬مننا‭ ‬ويبقى‭ ‬خلاص‭ ‬مافيش‭ ‬ارضنا‭..‬انقذوها‭!‬

‭ ‬منى‭ ‬حسن‭ ‬

26‭, ‬Nov‭, ‬2019

شاهد أيضاً

لبنان حالة فوق العادة .. بقلم : محمد فؤاد زيد الكيلاني

بعد فشل الربيع العربي في سوريا والانتصار السوري على الإرهاب والإرهابيين وإفشال صفقة القرن، حاول ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.